رد
والله اني حاس وراها شي
مارديت علي وهوه طلع واني شفت ادم نايم بسته وسبحت وكملت وطلعت شفت الساعه بل 9
صبح وليث يمكن بشغل رايح وحياة نايمه سويت ريوك وشربت ادم حليب
وبقى يلعب بجهازه واني كملت تنظيف وسويت غده
صارت بل 1 واجه ليث سبح وطلع باس ادم وحطه بحضنه وصبيت غده
كعدت حياة غسلت واجت تاكل ويانه كملنه كال ليث
حياة انتي غسلي المواعين دمعه من الصبح تشتغل
هيه شفتها عوجت حلكها وشالت المواعين غسلتهن ونفس الروتين صار اليل تعشينه وكملنه
شفت ليث يريد يدخل الغرفه مالتي بس صاحت حياة وكالت
ليث ترا اني هم مرتك مو بس هيه تنام يمها
نصدمت من كلامها من يمي استحيت هوه كال
اي بس اني اعرف بس يومين يم دمعه ويومين يمج
هيه هزت راسها وراحت وهوه دخل للغرفه سبح ونام على جربايه رحت انام
جرني ونومني على صدره وايده الثانيه يلعب بشعري واني ماسويت شي نمت لان تعبانه كلش
كعدت ثاني يوم نفس الروتين بس حياة تكعد كله بل 1 لو 12 يعتي بوكت الغده لو من يجي ليث
بس ليش يخليها تشتغل بس ماشفت منها شر بس صغيره كلش وناعمه
ونفس الروتين كملنه عشه شفت ليث راح لغرفتها وهيه هم راحت واني ماهتميت
رحت سبحت ونومت ادم ونمت
،،،،،،،،،،،،،،،،،،،،،،،،،،
ليث من كالتلي حياة انو لازم اجي لغرفتها هم صدك لازم اساويهن نفس الشي
فا كلت كل يومين يم وحده واصلا اني مابقى شي واطلك حياة
رحت دخلت للغرفه وهيه هم دخلت وسدت الباب اني رحت على جربايه اريد انام
هيه دخلت للحمام وطلعت ونشفت شعرها نصدمت من وخرت المنشفه من جسمها لابسه ملابس نوم
واجت عليه وكالت
ليث صحيح اني اول مره ماردك بس والله حبيتك احبك
نصدمت من كلامها كلت
بس اسف اني مااحبج احب دموع واصلا مابقى شي واطلكج
من كلت هيج مااحس اله نامت يمي وحضنتني وكال ببجي
والله والله احبك ما مااعوفك محد الي وين اروح بس انته
نصدمت منها ومن تصرفها كالت
وآلله مو امي الاجت عليك هاي مرت بابا والله بابا متوفي وماما بحادث وذاك مو اخويه الحقيقي يصير ابنها والله
