سمعت صوت صوت جلاب غريبه عليه خفت حيل دحست نفسي بزاويه مالت المحل
شويه راح صوت الجلاب متت خوف متت جوع شفت
كيكه صغيره طايحه كليته ودموعي نزلت نذليت
بطني وجعتني حيل نمت كعدت على صوت الناس
تمشي وتحجي والمحلات نفتحت وناس تشتري
لفيت الشال على وجهي بس عيوني مبينه ومديت
ايدي احدي ماده يدي ودموعي تنزل اجت مره انطتني ربع
واجه رجال انطاني الف
ومر على هذا الوضع عشر ايام ماشفت ليث بعد ولا ابني مشتاقتله وعايشه بذل
اكل من الفلوس الجدي من عدهن وملابس وصخه وحسبت بنفسي ضعفانه حيل وبليل ماانام
من الجلاب اخاف كاعده وماده ايدي ومطلعه بس عيوني
دمعت عيني من شفته نزل من السياره هوه ومرته وابني هذا ابني ياناس وياهم شفته يضحك
وشفت ليث ومرته يضحكون دخلوو لابو السواق يشترون شفت بيد
ادم علاكه وراحو يشترون من ابو الفواكه يشترون
شفت ريم تباوعلي وتاشر دنكت راسي وابجي وهوه صافن يباوعلي
اجه رجال انطاني ربع خذيته انصدم ليث حسيته هوه ومرته
بس ابني مايعرفني واسمعته يكل ليث
بابا هاي خبله
رد علي
لا بابا هاي اجدي يعني تاخذ فلوس
رد علي
بابا انطيني ربع
سفته خذه ربع واجه عليه وليث ومرته بقو واكفين
اجه عليه ومد يده بجيت حيل انطاني ربع راد يروح بس حضنته وبجيت
هوه بجه مايعرفني دفعني وراح يبجي يخاف مني ابني
شفتهم كملوو مسواك وصعدو المسواك للسياره وبعدهم يشترون
شفت اجو جهال صاحوو
هاي خبله خبله
ويضحكون بجيت حيل كامو يضربون بيه حيل شهكت
وليث ومرته يباوعون ومرته تضحك اجت ضربه بعيني
شهكت وبجيت انطيتهم فلوسي اله راحوو بجيت وجعت
لكيت طايحه تفاحه خذيتها مسحتها من الكاع جني ماشايفه واكل بيها
وهمه يباوعون حسيت ليث يباوعلي بشفقه نذليت من وراه
عطشت حيل رحت لابو الفواكه الواكفين يمه
كلت
عموو عادي اشرب من مي مالك بالترمز
رد الرجال
لا عموو تلعب نفسي اني روحي لغيري وشعندج تفترين بشوارع بنات ماتستحي ماعندج اهل انتي تفترين بشوارع
