دموع : فتحت عيوني شفت مغذي بيدي وجسمي كله يوجعني وليث كاعد على الكرسي شويه ودخلت دكتوره كالت :
باحر تطلع هسه مانكدر نطلعه لان شويه تعبانه رجلها صبيناها مكسوره وايدها هم ودير بالك عليها انته زوجها مو
رد
لا طليقتي
هزت راسها وطلعت اجه عليه كال :
هاا هم تحسين شي يوجعج هسه اجيبلج اكل
هزيت راسي وهوه طلع
ورجع جايب اكل وكلني لان مااكدر اكل يدي مكسوره
كمت وهوه طلع واني نمت كعدت لكيته كدامي كال :
لازم ارجعج لمكانج بسع كلت
عفيه رجعني لو حته خدامه اريد اشوف ابني
هوه مارد شويه لبستي عباة بس وصخه طلعني بكرسي متحرك وصعدني بالسياره
كلت يمكن راح ياخذني لبيته لان منو يداريني بس انصدمت
من نزل الكرسي وكعدني بس جابني المكان الجدي بي وكال: ابقى اهنا بلكت الله الناس اشوف حالتج وساعدج اكثر من قبل مستحيل اساعدج اني
حجه هيج والدمعه تلالي بعيني كلتله بسع :
حباب اخاف ابقى لوحدي اهنا ومااكدر امشي اخذني وياك فدوه اريد اشوف ابني والله كلشي مامسويه اني ليش هيج اسوي ويايه
احجي وابجي هوه مااهتم خله صعد بالسياره وراح
بعدت السياره عليه ماشفتها بعد بقيت وحدي
والناس رايحه وراجعه تباوعلي شويه واجت مره شويه جبيره مبينه زينه كالت :
بنيتي ليش كاعده اهنا وحدج اهلج وين ليش هيج حالج ونتي بعدج صغيره شلون باقيه وحدج الناس ماترحم
بجيت ومسحت دموعي وكلت :
خاله اني واحد دعمني انكسرت رجلي وأيدي مااكدر امشي واليوم طلعت من المستشفى وبقيت اهنا واهلي مسافرين ما عندي احد
حجيت اخير كلمه وشهكت وبجيت ردت عليه وتمسح دموعي:
يا بنيتي لا تبجين آخذج لبيتي اني ماعندي اطفال وزوجي مشغل مايجي هسه كل 15 يوم يجي للبيت هسه هوه ماموجود واني هم ما عندي احد اني اداريج بنيتي ومن اصيرين زينه بعد الله كريم
تشكرت منها ومسحت ادموعي وهيه دتفع الكرسي وصلنه دخلتني لبيته نظيف بس حالتها مبينه تعبانه
كعدني على جربايه شويه وجابتلي ملابس وكالت:
هيج بنيتي لبسي هذني الملابس صح قديمات بس احسن لا تبقين بهذني
اني هزيت راسي خذتني للحمام اني دخلت وسديت الباب كوه صبحت ومن كملت دكيت الباب فتحته وخلتني بالكرسي هيه مشطت شعري وجابتلي اكل
صار اليل كالت
نامي يمه ارتاحي
غطتني وطلعت واني بجيت حسيته امي شويه ونمت
وبقيت عند المره 15 وصرت زينه الحمدلله كلت لازم ارجع لمخزن مالتي لو ادو ر مكان عيب ابقى اكثر من هيج عدها ومبينه ماعدها فلوس خطيه توسلت بيه ابقى بس ماقبلت بست راسها وكلت :
خاله ماراح انسى معروفج هذا والله شكرا وتعبتج وياي
هيه باوستني وطلعت
ياربي هسه وين اروح وافلوسي المجمعتهن كلهن بيوم الحادث ضاعن
رحت للمخزن ما عندي غير مكان بس هوه كعدت بي
نمت ثاني يوم هم لفيت الشال على وجهي ورحت يم ابو الخضروات اجدي
كلساع يجي واحد ينطيني ربع خمسميه شويه وشفت ليث
دمعت عيني من شفته نزلت راسي وهوه مااهتم
كام يشتري من ابو الخضروات ويصعد بالسياره
شفته كمل وصعد بالسياره وراح
شفت الناس وابو المحلات عزل بسع كمت اشتريت لفه
وبطل مي
رجعت للمخزن وكليت ونمت
كعدت لكيت مي شويه غسلت وجهي بي وطلعت اجدي كعدت
شويه وهم اجه ليث بس هاي المره نصدمت من شفته شايل طفل بالكماط وياه يعني هذا ابني ادم بسع دمعت عيني مايخاف على ادم الدنيا بارده بالشتاء
شفته يحاجي الرجال ويشتري والرجال هوه يخلي بالسياره شفته اجه عليه بسع كمت رحتله وكلت :,
فدوه انطيني ابني بس اشوفه مااريد شي حباب
ضحك وكال:
ولي من وجهي عوزي بس اليجدون اصلا اني جبته طهرو وجبته وياي اشتري مسواك انتي والله لزكه
راد يروح بسع جلبت بيده وبجيت:
فدوه بس بس اشوفه مره وحده انطيني اريد اشيله فدوه
دفعني حيل وهوه راح لابو المسواك ومن دفعني طحت
على الكاع وأيدي وجعتني حيل وشفت كزازه دخلت بيدي
كمت ابجي واشهك من الوجع ايدي والدم ينزل كمت نزعت عن وجهي وامسح بوجهي احس وجهي صار كلها
دم تنزف اريده يوكف الدم ماكو واخاف اطلع الكزاز من ايدي كمت ابجي وارجف
والناس تباوعلي حته محد كلي شبيج وحيده ما عندي احد
شويه وسفته يريد يصعد بالسياره خله ادم بالسياره
ويباوعلي عكد حاجبه يباوعلي مستغرب لان وجهي بي دم وأيدي اني ماهتميتله كمت اشتريت مي وذبيتها على ايدي وكوه جرين الكزازه من ايدي وشكيت من شالي شويه ولفيتها وهوه يباوعلي وين مااروح كمت امشي
اريد ارجع للمخزن درت وجهي وابجي وهوه صعد وراح
كاعده بالمخزن وابجي مشتاقه لابني اريد اشوفه
يمكن هسه كبران صار عمره شهر وصالي عشرين يوم ماشايفته ويمكن أكثر من شهر
شويه وسمعت واحد يحاول يفتح الباب خفت حيل
كلت منو نصدمت من سمعت هذا صوت ليث شعجب جاي عليه وين يعرف مكاني نصدمت من فتحت الباب وكال، ،،،،،،،،،، ،،،،،،،،، ،،،،
يتبع
