عَلمتني الدِنيا من أشتآك أعاتِب
روحّي مشتاكة لصُوركم يالحَبايب.!
بـ قَلمي روايه المَـريانا .
الكاتبه : فَاطِـمه .
_________________________________
مَـريانا
مرت تسع أيام عاديه نفس الروتين
وهل حقنه سجاد ما راح من البيت
وامي لحد الان ساكته معقوله نست سالفتي؟
أو ضامتلي شي قوي بالاخير
وهل أيام كله دكتور علي قريب عليَ
وهذا الشي موترني حيل جان مو هيج هسه حتى اسلوبه متغير
دخلت للمستشفى شفت شغلي
واشتغلت طبيعي
واني جاي امشي اجتني لُجين تركض
سحبتني وياها ورحنه مكان ما بيه ناس
_ شكوو ولج .
_ بلوهه .
_ صخام ليش شكو .
طلعت التلفون وراوتني صور
الي اني ودكتور علي واحنه
نسولف واحنه نعبر الشارع
ومكتوب جوه
:- حبايب بـ نص المستشفى خوش شغل
دكتور علي والمحللة مَريانا .
شفت كاتبين
عبالنه شريفه .
ولا مبين عليها هيج .
_ شهل قرف بنص المستشفى .
_جانت تبيع شرفيات براسنه ما اتزوج ولا احب.
_ ريهام صادقه من تحجي عليها .
_ شوفوا شلون شارگه الحلك من الابتسامة .
وغيره من الحجي
گبيت لزمت التلفون شفت هذا كروب جديد بالواتساب جامعيني
اني وبعض المحللين والممرضات
وحتى دكتور علي موجود
شمرت التلفون على لُجين
وتركته تصيح وراي
طلعت تلفوني اشوف
رحت اركض لمكتب دكتور علي
دكيت الباب
_تفضل .
_ دكتور شنو هل مهزله ؟
_ اي مهزله ؟
_ افتح تلفونك وشوف .
فتح تلفونه وباوع انصدم
لكن صدمني اكثر بالرد مالته
_شكو بيها ؟
_ اي دكتور ما بيها شي الك ما تهتم لسمعتك لكن سمعتي جداً مهمه بالنسبه الي اني انسانه اهتم للسمعه وكلشي ولا احد يطعن بيه
وكل هذا الحجي وهم ما يعرفون شي
ما نرفزك استنتاجهم المُقرف؟
أو همين ما تهتم وعندك عادي
اذا عندك عادي لا تتصرف اي شي
اني الراح اتصرف بس لهنا وحجيي ما خلص وياك عندي بعد حجي وياك بس مو هسه بعدين .
انصدم من حجيي وحجيتهن دفعه
وحده وطلعت واني النار تطلع
بيه من كل مكان بعز الشته
دخلت رقمي الثاني بالكروب
محد يعرفه
وكتبت من خلاله
_اجتمعوا بـ غرفه المحللين اخبار مهمه تخص هل شي .
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
