ما كتلك احَبك رِدت أنتَ تكول
لان كِلمه احبك خايف احجيـها
تأخذني عليك عيوني مِن تفوت
واحس بالروح تطلع وانا ارد بِيها
بـ قلمي روايه المَـريانا
الكاتبه : فَاطِـمه .
____________________________
سُـفيان
لا صار عندي شبكه ولا كدرت حتى ادك عليها
الشغل متكوم على راسي
وصيت دُريد يوديها واليوم دوامها
تفرغت واتصلت عليه
_ ها وصلتها ؟
_ ما موجوده اجيت اريد اخذها
كالوا طلعت .
_ خرب بت الـ*** ولا تنلزم موتتني فتت گلبي .
صاحوني شمرت التلفون ورحت
اشتغل ، صار الصبح
اخذت التلفون وحصلت نت
اجتني اشعارات من عدها ومكالمات اثنين
دخلت للاشعار واحس انضربت على راسي
معقوله ؟ شُعيب ضاربها ؟
ما ضل عقل براسي طلعت امشي بـ همه
وكل غراضي عفتهن بس السويج والتلفون بيدي
صاح وراي ياسر ما رجعت
شغلت السياره وتحركت
تنرفزت من الازدحام من الصبح ازدحام
باوعت للساعه هسه وكت رجعتها
بـ الف يا علي خلصت من الازدحام والطريق
وصلت وطبگت السياره
باوعت لـ سيارتها مو نفس ما انا طابگها
لا مكانها يختلف يعني طالعه بيه
دفعت الباب حيل ودخلت
توجهت للمطبخ وانصعقت بـ منظرها
ما كدرت انطق حتى بس عيوني من الصدمه
موسعها حيل ، هي متمدده وكام من فوكها
شُعيب يضحك وبـ ايده وصله أو كلنسه بيضه ؟
انتبهت عليها كامت تون وتهذي
_ مَررريانااااا .
التفت شُعيب عليه مصدوم
ركضت عليه ومطلته بالگاع وين اليوجعك
لا تحكمت بـ ايدي ولا لساني
اغلط واضرب حتى فشرت عليه
لزمني دُريد دفعته حيل ورجعت عليه
لا خليت عين صاحيه لا خشمه لا حلكه
سمعت صوتها تحجي بـ خفوت
_ سُفيان .
كمت من عنده ورحت الها
شلتها بـ ايدي وباوعت لـ دُريد
_ احبسه بالمخزن الفوگ اذا شرد انعل
والد والديكم .
مشيت وصعدت بيها للغرفه وهي تهذي
عفتها على الجربايه ورحت للحمام غسلت وجهي
وانا اطلع كمت افتح بـ قميصي
شفتها واكفه وتفتر تطوطح مثل السكران
_ تعاي مَريانا .
التفتت الي ابتسمت وخلت ايدها على كصتها
_ اجيت سُفيان ؟
_ اي يا نظر عيني اجيت .
_ اذوني يلا اجيت .
_ نعلت والديه .
_ لا لا .
تحجي وتأشر بيدها
رحت يمها اريد اكعدها ما ترضى
دفعت ايدي ورفعت ايدها على رگبتي
_ سُفيان .
_ نظر عيني .
_ اكلك شي ؟
_ احجي حبيبي .
خلت راسها بـ رگبتي وبقت ساكته
شلتها وخليتها على الجربايه بس كاعده
رحت للكنتور أخذت تراك الها وخليته يمها
الضوه طافي وماكو غير الشباك يجي من عنده ضوه
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
