أنا شناسـي ؟ احط راسـي
وأريد اغفه الف شغله تجي بـ راسـي
اضل اتلمَـس بـ گلبي اضل احسِب
عددهن كامل جروحي كلشي اتذكر ،
أنا ما ناسي بَس رُوحـي ..
بـ قلمي روايه المَـريانا
الكاتبه : فَـاطِـمه .
___________________________
مَـريانا
ضليت اعصر بـ رجلي من الألم
سمعت صوت وانا واكفه
حسيت الباب ينفتح ، طفرت ورحت وره الحايط
طلع شُعيب أخو سُفيان الجبير
كمت الطم بس لا يجي هيج ويشوفني
راح بـ عكس اتجاهي والباب شويه مفتوح
ركضت ودخلت للبيت بـ حذائي
محد كاعد وهمزين ما شافوني
دخلت للغرفه وسديتها كمت اهفي على نفسي
اريد اتنفس ضاع عليه النفس من الهبطه
عفت السويج ونزعت الصايه
تفاجأت من اجاني صوته
_ اذا تطلعين بدون علمي بعد رجلج اكسره .
باوعتله بـ استهزاء وهو ايده على عيونه
ما يشوفني ، تجاهلته ورجعت كلشي لـ مكانه
كعدت على الجربايه ساكته
حسيت اكو شي ينزل من خشمي
خليت ايدي وشفته دم بقه يزيد صار هواي
ايدي انملت دم ركضت للحمام
دنكت على المغسله ولزمت راسي
غمضت بـ تعب رفعت راسي للمرايه اجه وراي
عاگد حواجبه من منظري
اجه وكف يمي
_ شبيج ؟ ليش خشمج ينزف ؟
_ مدري .
لزم راسي وفتح المغسله بقه يغسلي
وما وكف النزيف على الرغم علاقتنه توترت
وبقيت اضوجه بس اهتمامه غير
صعب لمن تكون انسان محد بحالك
بعدين يجي شخص يهتم بيك !
تحس الشي جذب ما تكدر تصدك
مشاعر متناقضه حيل حتى أنا ما افتهم نفسي
نزلت دموعي على ايده
_ليش تبجين يا عيني انتِ ليش ؟
بقيت ساكته ما رديت عليه وهو يغسل بـ وجهي
جاب كلنس وخلاه على خشمي
مشاني وكعدني على الجربايه كعد يمي
ومد ايده مسح دموعي رفعت ايدي
وضربته على صدره ابتسم ولزم ايدي
خلاها على صدره ردت اوخرها ما رضه شاد عليها
_ ماطول خليتيها ما تتوخر بعد .
_ ما خليتها أنا ضربتك .
_ چا هم ما تتوخر .
_ ما مرتاحتلك احس وراك شي ليش انت هيج ؟
_ شبيه ؟
_ ليش تهتم ؟
_ يجوز احب .
_ تحبني ؟
_ اي يجوز .
_لا جذاب ، وين اكو واحد هيج يحب بسرعه .
_ بسرعه ؟ اخ لو تعرفين .
_ شنو ؟
_ سلامتج حبيبي .
_ غدي لا تكول حبيبي .
_ حبيبي .
درت وجهي عنه وخرت الكلنس وتوقف النزيف
سحبت ايدي منه ورحت للحمام
ذبيت الكلنس وغسلت احس اريد اموت
من مشاعري هاي الي ما اعرف تاليتها شنو
ليش هو هيج ؟ ليش يهتم ؟
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
