المَـريانا

النِـهايـه .

هَضمة الزلم بالشوگ تنهان
ويبلع السانة الچان أبو لسان
چيلة عَدو ولا ضيم نسوان
عوف الرسايل لا إتاني
گلب التريده يريد ثاني
مُوت على كاسَك والأغاني
الليلة ضايع مِني أني .

                    بـ قلمي روايه المَـريانا

                         الكاتبه فَاطِـمه .

صحيح تأخرت بـ البارت بس تعرفون بسبب
الاسم اكيد ، لا تنسون التصويت والتعليق بين الفقرات

ملاحظة* البارت طويل يرادله كعده معدله .

حسابي إنستا   fa_zll3

قناه التلي ff_Mariana14
           ____________________________

دِنيـا

افتر بالغرفه رايحه راجعه افكر اخلص منه
استوعبت موت حياة تجيني بحلمي تخليني استوعب وحجيها يخليني اصير قوية كوه
وفعلاً دعيت اكدر اوكف على رجليه واخلي حزني
بـ گلبي مو كل مكان ابث حزني
خليني اتخلص منه أول اخلي يطلگني
وارجع للبيت اعيش وحدي ما احتاج احد واشتغل

وما اكدر اشرد ولو شردت يلكاني هو وين
الي مكان غير بيت اهلي !
غمضت عيوني وابتسمت على الفكره الي اجت ببالي
أخذت تلفوني نفسه رجعه الي

اتصلت على فيروز
_ هلو فيغوز .
_ هلا حبيبتي دُنيا .
_ محتاجتج بـ شغله ضغوغيه .
_ أمري حبيبتي .
_ شوفي لا تستغغبين لان مضطغه
غاح احول اسمج لـ اسم ولد وامسح المحادثه
وارغيدج تتعاملين كأنج حبيبي تمام ؟
_ كلش تمام بس ليش ؟

_ تزوجت غصب واغيد ابين ما افيده .
_ يمه لييش ؟ وشووكتتت ؟
_ سالفه طويله بعدين اكلج بيها .
_ تمام تمام .
_ هسه انزل ومن اكلج يلا تغكعين اتصالات .
_ اوكي .

سديت الاتصال حذفت المحادثه وغيرت اسمها
لـ "حبيبي"
شمرت شعري ليوره وفتحت الباب ونزلت جوه
شفته كاعد والحاسبه بحضنه ويمه ملفات
كعدت على نفس القنفه الي هو كاعد عليها
فتحت تلفوني شويه ودزيت الها
:- يلا .

مجرد ما شافتها حذفت الرساله عليت تلفوني
وصوت الاشعارات تتراكع ترسل نقاط
حتى تثير الشك رغم تعبي وحزني ابتسمت
شويه وبدت الاتصالات اخليها شويه وارفض
وبقت تدك فوك الخمس مكالمات
رفعت راسي اله خازرني وعيونه ناطه دنكت
اكتم ضحكتي

رجعت اتصلت كمت اتبختر ورديت على الاتصال
خليته على أذني وعبرته
_ ها حَـبيبي .
حجيتها واحس انسحبت من ايدي حيل
والتلفون صار بأيده باوع للاسم وسع عيونه
طفرت ولغيت الاتصال وسديت التلفون
جنت واكفه على اصابع رجلي عدلت وكفتي
ونترت ايدي منه
_ جيب التلفون بصفتك شنو وتاخذه ؟
_ منو هذا ؟
حجاها بـ حده عباله يخوفني هو صدك خوفني
بس عود ابين ؟ ابد