روحي يمَك وأنه باقيّ بلايه روح .
بـ قَـلمي روايـه المَـريانا .
الكاتبه : فَاطِـمه .
________________________________
زُمرد
خليت ايدي على صدره وابتعدت
اهفي على وجهي ودرتله وجهي
_ ليش ضايج مني ؟
_ صحتي الممرض بدون ما تكوليلي انوب يريد ياخذنه للبيت .
يحجي هيج وعاگد حواجبه
وهو يعدل بكعدته انتچه
واردفت
_ ردته يساعدك لان أعرف بنفسي ما اكدر اسند جسدك زين اضخم مني انت لكن هو رجال
يكدر وتاخذ راحتك لو اني سندتك
راح تحاول ما تذب نفسك عليه
تقاوم لا تفهمني غلط حباب .
_ أعرف نيتج زُمردي بس لو كايلتلي
بالاول .
سكتت وبرطمت بوجهه
ضحك ولزم وجهي وباس شفايفي
_ نقطه ضعفي شفايفج من تبرطمين .
وخرت ايده وضربته خفيف
_ بس اخذك الواهس بالبوس
كتلك جاي احبك مو يعني بوس بوس .
ضحك بصوت واردف
_ لا تنسين يوم الخطوبه جنتي ما تحبيني
ولگطتج بحلگ .
_ إيع اسكت المهم هاي وجه الطاوه المعفنه
هم تجي مو؟
_ ياهي .
_ نرجس بت عمك .
_ اي يجوز .
_ هم شعدهم يجون وابوك متوفي
شو احس لواگه .
كام يضحك بصوت عالي
وفاطس
واني على ضحكته ابتسم
خليت ايدي على حلكه واردفت
_ لا يجون يكولون هذا مرتاح وانت حالك
بالضيم .
سحب ايدي واردف
_ اخسى لو جنت بالضيم وانتِ يمي .
رمشت عده مرات وعضيت شفتي
_ كايمه اسوي شوربه الك .
طفرت من يمه وبقيت اهفي على وجهي
_ عزهههه بعيني .
رحت للمطبخ خليت ندى تدليني
على الغراض وكمت اشتغل
وما سمعت مُنى ولا رجلها جايين
ولا سائلين
بقيت اطبخ بالشوربه وسويت شونذر وعصير رمان
لان يزيدن الدم وزلاطه هم
حضرت العصير وغطيته ودولكه
من العصير خليته على صفحه
وحضرت طاسه وماعون بالصينيه
طلعت للاستقبال جانت الدنيا ليل
شفته منتچي
ويگلب بـ تلفونه مديت راسي واردفت
_ تاكل هسه ؟
_ لا ما مشتهي .
_ اوكي .
_ تعاي كعدي يمي .
_ ثواني بس .
رحت جبت تلفوني من المطبخ وكعدت يمه
محتاره اتقرب اله لو اكون صعبه
احس ببالي شي ومحتاره
دخلت لمحادثتي اني ومَريانا
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
