التَعب عاشـر گلايدنا وصِفت صَفره
النَهر ضيـگ وما مـش حيل ونعبره
شبـعد ونعـاشر التـابـوت
مو متنا الـف مَره .
بـ قلمي روايه المَـريانا
الكاتبه : فَاطِـمه
___________________________
سُـفيان
لا حيل ضل عندي ولا عقل
وكعت بـ النار
نار گلبي ابين خوفي وارتاح ؟
ونار عقلي اتصرف بـ عقلانيه كدام اخوها ؟
طلع الموقع أيهم وتوجهنه
ياسر خابر على دوريات
أول ما وصلنه طبگت الدوريات
ركض عليهم ياسر وطشوا
حاوطوا المكان نزلنه كلنه
ركضنه أنا وايهم وياسر وهُمام
ورانه باتجاه الموقع الي مطلعه أيهم
وكف كدام بيت ، دفر الباب أيهم وانفتح
دخلنه ندور بكل مكان ماكو احد
مجرد أغراض بالكاع مطشره
والمكان مبين قديم
واحد صفن بالثاني معناها ما
حصلنه شي تنهدت وردت اطلع
لكن اجت صرختها التفتنه بـ صدمه
وركضنه ندور ونتلمس بالكاع والحيطان
واضح اكو مكان سري
اثناء ما ندور حاوط المكان صوت
صرختها القويه هزت المكان هز
التفتت على اثر الصرخه توسعت عيوني
وجمدت بقينه نباوع على المكان
الي اجت منه الصرخه الي هزت گلبي
ولا بقت عندي عقل !
ركض أيهم وكلنه وراه كمنه ندور
على لحد ما لكينه حلقه
مرتبطة بـ كاشيه وهل كاشيه مو صغيره
عباره عن مربع جبير شلتها
وصار بوجهي درج نزلنه نركض
صارت بوجهنه غرفتين
رفع اللاسلكي ياسر حجه وي الشرطه
دخلت أنا وايهم للغرفه المفتوحة
شفتها واكعه بالكاع مغمي عليها
وواحد بيده سجينه يباوع النه بصدمه
والثاني متمدد ايده على ركبته
فاتح عيونه كل وسعهن
اجو الشرطه خذوهم تنهدت ونزعت
قمصلتي تقربت عليها غطيت شعرها
تقدم أيهم وملامح الخيبه واضحه
على وجهه شالها وصعد الدرج بيه
فتشنه المكان ماكو احد
كلهم ساحلينهم
خله مَريانا بالسياره وسد الباب
وصاح واحد بـ ايد الشرطه
_ اييييهمممممم .
التفت أيهم باوع للي صاحله
واحتلت الصدمه ملامحه وسع عيونه
وتقدم عليه ضربه راجدي
حسيت كل قوه أيهم بـ هذا الراجدي
من يمي تألمت وعفست ملامحي
عيونه صارت تجدح مبينات
رغم هو لابس لثام ، لزمه من ياخته
يعت بيه ويحجي بصوت ما مسموع يمي
والي صاح بـ اسمه طلع شي من جيبه
وانطاه اله وتقرب عليه
وحجه يم اذنه ضغط أيهم على ايده حيل
ودفعه وركب السياره
راح ياسر وي الشرطه
وانا وي ايهم وهُمام اتجهنه للمستشفى
أول ما وصلنه شاله أيهم وخذوها منه
لحكناها بس ما رضوا نفوت بقينه ننتظر
مُده وطلع الدكتور وياه ممرضات راحن
وهو بقه يحجي على حالته
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
