فـراش الفاتحه لو شِفته مَلموم
بـ نص گلوبنا تِلكه الچوادِر
يمنه المَصبغه ودينه الهِدوم
الحزنَك مَشترينه قماش حاضِر
تِمنيتك جِرح كِلساع مَلچوم
وتبات الليل بـ شفاف الخَناجِر
أنا يا بوي من وَنيت مـالوم
نِزل مني دَمع يـعمي النَواطِـر
خدودي تعودِت تتنَدى كِل يوم
وتحِب الماي خشبات الگناطِـر ...
بـ قلمي روايه المَـريانا
الكاتبه فَاطِـمه
_______________________________
مَـريانا
كملت اكل عفت الصينيه على صفحه
_ احجي وياج تسمعيني ؟
رفعت رأسها للسگف وبقت صافنه
_ كل احنه نهايتنا هيج ماكو واحد يضل عايش
صح عدنه احباب ما نكدر
نعيش بدونهم بس هذا الي كاتبه رب العالمين
ممكن يكون الموت افضل الهم بس مو أفضل
النه بس شي اكيد ما نكدر نعترض
على حكم رب العالمين ، دائماً كولي الحمدلله .
كل هذا الحجي وهي ساكته وصافنه
ما الومها اذا ما عدها احد من اهلها
بس لازم ما ننسى رب العالمين لازم نتوكل عليه
مو اله بشر ..
اخذت الصينيه وطلعت خليتها
بالمطبخ وكمت اغسل بالاماعين
الدنيا فجر حتى ما تسوه انام بعد
توضيت وصليت
كعدت انتظر لحدما صار وكت دوامي
كمت للغرفه شفتها نايمه
أخذت ملابسي وغراضي بهدوء وطلعت
بدلت بالحمام وردت اطلع
رجعت فتحت الباب عليها نايمه اجت
عيني على السويج اخذته وطلعت جان ببالي
أنا اسوق واروح وحدي
شفت باب الشقه مال هُمام وايهم مفتوح شويه
وصوتهم عالي بس ما واضح نقاشهم
دفعت الباب على كيف ودخلت
صوتهم جاي من غرفه تقربت ووضح الصوت ...
هُمام : لك أنت ما تفتهم ايهمم افهممم
أول وتالي هي راح تعرررف لازم تكول الهااا
لا تأخر بالموضوع خليها تسمع منك
ولا تسمع من غيرك ، لك أنت شايف
الكسره الي بنظراتها ؟تنكسر اكثر اذا سمعت من غيرك فضها واحجي .
أيهم : لا تخبلنييي شنووو اكول الهااا
اكعد كبالهااا اكلها مَريانا حبيبتي جنت اشتغل
وي عصاابهههه ؟ وشنووو تكلي عفيه
اتوقع منها تعوفني بس تعرف بشغلييي قبل .
جنت عاگده حواجبي بتسائل من حديثهم
بس من وصل أيهم لكلمه عصابه
احس انضربت على وجهي
انسحبت وطلعت من الشقه ونزلت
ضاك بيه النفس ما تخلص حياتي من المشاكل
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
