عِمت عَيني لو طيفك
يـجيني وما أحِضنه .
بـ قلـمي روايه المَـريانا
الكاتبه : فَاطِـمه .
______________________________
مَريانا
وكف المرجوحه والابتسامه على ثُغري
بقيت كاعده اجه هو وكف كدامي
_ حلوه ؟
_ اي كلش .
_ ما مجربتها قبل ؟
تلاشت ابتسامتي واردفت
_ مره وحده من جنت صغيره
اخوي الي مرجحني .
ابتسم
_ وهسه وينه ؟
_ راح .
_ وين؟
_ ما ادري .
_ هههههه شلون اخوج ما تعرفين وين راح ؟
_فعلاً ما ادري .
_ شلون راح عنج ؟
سكتت وبعدت انظاري عنه
اردف بـ غصه
_ يلا اني هم فاقد اختي .
باوعتله واردفت
_ شلون؟
_ الحياه رادت هيج .
اجه ببالي هو نفس حالتي ما فكرت ميته
أو غير شي بدون اي
مقدمات سئلته واباوع بوجهه
والي اكدلي اجابته
_ ما دورت عليها ؟
_ بلا .
_ وما لكيته ؟
_ يجوز الكاها عن قريب .
_ الكاها بسرعه خطيه .
خله عينه بـ عيني واردف
_ اذا لكيتها شنو تتوقعين رده فعلها ؟
_ تعاتبك هواي يجوز .
_ أنتِ لو لكيتي اخوج شنو تسوين ؟
_ اعاتبه واضربه .
_ ليش تضربينه ؟
_ لان ما لكاني من زمان .
_ حقج ، بس انتِ ما دورتي عليه ؟
_ أعرف عمره فـ بفتره عمره انو هو جامعه
جنت اروح
للجامعات اسئل عليه وما الكه اسمه
وغير هل طرق هواي هم .
رفع راسه للسمه تنهد بعدها ابتسم مجامله
وعيوني تراقبه
_ عندج شغل لو ترحين للبيت ؟
_ ما عندي .
_ يلا انه هم امشينه بدون عناد .
هزيت راسي وكمت أخذت جنطتي
ومشيت وراه
صعدنه السياره وهو فتح موضوع
أيهم : عندي صديقي الله رازقه
بس هو من ناحية الدين مو زين
ما يصلي ورمضان يصومه بس مو كله
متقطع وشكم مره شرب وفات ملهى
بطل من سالفه الملهى بس ما يأدي واجبه
كونه مُسلم وصراحةً ما عندي اسلوب القَناعه
فـ لو جان عندج انطيني النصائح بدون زحمه واحجيهن اله .
مَريانا : هسه أنتَ خايف عليه من الطريق الخطأ
الي يسلكه مو؟
أيهم : اي .
مَريانا : رب العالمين يخاف علينه أكثر
لذلك خله قوانين للدين
خله النه حدود لَـ مصلحتنه
رب العالمين منطينه هواي نعَم احنه جاهلينها
الاكل ، النظر ، المشي ، الماي ، الحركه
وغيره ، اهم شي هو "العقل"
العقل نعمه لا تُقدر
هو لوما عقله يعرف شنو نسوان ؟
يعرف شنو شرب ؟
يعرف شنو ملهى ؟
لا طبعا ما يعرف لكن بـ فضل عقله
الي انطاه اياه رب العالمين
تكون لَه معرفه
وبِما أن الانسان عنده عقل لازم
يستغله ويستفاد منه
مثل ما يعرف هاي الشغلات
لازم يعرف يصلي ويصوم ويقوم بواجباته
كونه مُسلم
الدين يُزيد من فهم الانسان
ومن تعليمه
الدين شي مهم فعلاً
وكل هاي النعم شلون نجازيها ؟
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
