مو كتلك لا تَعوفني؟ وعِفتني
وكتلك بلياك اضيـع ؟ وضَيعتني
جِنت تايهه بلياك
وصرت تايهه بَـ گرباك
ارجع منين ما جِيت أخاف
جنت عَايش بـ أمان
بـ يوم الرافگتك ما شفت ألامان .
بـ قلمي روايه المَـريانا
الكاتبه : فَاطِـمه
____________________________
زُمرد
كاعده بغرفتي وصافنه
افكر بـ آخر مشكله صارت
أبوي ما خلاني ابقى يم هيثم
اجو من الزياره لبيت هيثم يتحمدوله بالسلامه
وما خلاني ابقى أبوي
عكس امي الي جانت مكيفه
فزيت من صفنتي على رنه تلفوني
شفتها لُجين جاوبتها
لُجين : الكيليييي حللل راااح اطططگ .
زُمرد : زرفتي أذني شبيج .
لُجين : راح اموت ولج منين اتلكاها
من امي من مَريانا المختفيه .
زُمرد : نروح لشقتها ؟
لُجين : منو يكول بالشقه
وهم هي يجوز تريد ترتاح بس المشكله
أنا ما مرتاحه اريد اطمن .
زُمرد : يجوز تعبانه خل ترتاح
بعدين نطيح حظها .
لُجين : اوف .
زُمرد : هسه ليش تكولين
امي وهي مرة ابوج .
لُجين : اذا اصيح باسمها لو غير كلمه امي
أبوي يكلي حقه تخبث وياج
بس من أصيح الها امي يوكف وياي .
زُمرد : ابوج هم مدري شلونه .
لُجين : بيني وبينج مزوج وحده
بس امي ما تدري .
زُمرد : هيج تدري واطگه
جلطه غير اركص بچفيه .
لُجين : عزهههه واخلص منه .
كعدت تضحك وانا اصنف عليها
صاحتها أمه وراحت
كمت أفتر بالغرفه وافكر
معقوله إذا هيثم صار زين نتزوج ؟
بس ما مستعده لفكره الزواج ابد
ردت اطلع ودك تلفوني تنهدت
ورحت شفت هيثم يتصل جاوبته
_ ابن الحلال عند زكروا بيبان .
_ بيبان لو كناتير .
_ شلونك ؟
_ زين وانا اسمع صوتج .
_ بس صوتي ؟
_ زين وانا اسمع صوتج وزين
من اشوفج يابه لو بس اشوف لون عيونج
اصير زين .
_ اويييي جاي احبك اكثر .
_ لا تتنعوصين لا اجيج هسه .
_ وين تكدر هو انتَ غير مفشخ .
_ آه يا زُمرد تشمتين ؟
_ هههههه لا .
_ تعشيتي ؟
_ اي وانتَ .
_ اي حبيبتي .
_ شربت علاجك ؟
_ أنتِ كل علاجي .
_ يووو هيثمم لا تحجيي هيججج اخجللل .
_ اشتعلوا هيثم واهله .
_ يااا .
_ جايج .
_ يااا لا تتخربط .
_ انچبي .
سد الاتصال كمت ادك عليه ما يجاوب
صرت ادك واللطم لا يجي
وابوي يسوي مشكله انوب
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
