سأُحارب لأجلي

لماذا ياأُمي؟

خذلان الاحبة هزيمة لا انتصار بعدها

يقتل داخلك شيئ لن يحيى من جديد

نرغب بأن ننسى لنعيش بعيد عن

شعور الهزيمة .هل نستطيع فعلها؟

________________
دخلت أمي البيت أهلها وكامت تصيح امها شنو دازتلنا سارة مليانة (كمل)
هسة تعدينة اخذيها اني اروح العب وية خالتي لان من عمر الاشهر سوة
وبعد محد تعرضلي من خوالي بشي فاسق صح محمد يضربني ويتنمرون علية
بس همي العب وية نور وعندي صديقات صارت بالمنطقة مالتهم .(مرات استذكر حياتي عدهم ليش كُل هذه الاذية واحبهم قوة خفية تسحبني عدهم ما أتمنالهم الشر) رجعت ماما منهم كامت تصيح علية انت موتيني فشلتيني تلعبين
وية الوصخات وبت عمتج كم مرة أكولج لتلعبين وياها .بت عمتي رواء بعمري احبها وهي فقيرة ماعدها فوقية وتكبر وحقارة .
دخلتني للحمام وكصت شعري الحد اذني يعني بالكوة ينشال ذيل شكد بجيت لان طويل يعني من الكصيبتين للكاري من اطلع بالشارع يضحكون علية الولد الصغار يصيحون(كصو شعرها هاها) وثاني يوم من داومت من دون حجاب
المعلمة كالت شنو هاي ليش امج هيج مسوية بشعرج. بسهولة انقهر ما احس عندي سند طفلة مهزوزة من دون ثقة تحولت. مليانة صدمات دخلت فترات كئابة من دون ما احد ياخذ بأيدي رغم بوسط عائلة بس احساس الخوف مرافقني
داومت الرابع مهزوزة اكثر من الثالث روح مقتولة بداخلي شمأزاز من جسمي من اهلي من الكل بس بداخلي من دون ما اكون متمردة نزل مستواي الدراسي
لان كثر شغل البيت واهمال امي الي والاخواني بس سوت الريوك وغسلت اماعين والغدة وانتهى شغلها الصبح اني انظف والغدة اغسلهن واذا خبزت عبالك سوت إنجاز..راحت ايام واجت ايام ولهوتي صارت حياطين السطوح امشي عليهن كُلهن تحدي وية نفسي لازم امشي هذا الحايط واخلصة بحيث اذا
رجلي تزلك اروح بيها للنجف كبل .بس ماكو رقابة فكمت اي شي خطر اسوي مرة كرهت روحي كُلش لان بعطلت الصيف يجي ابن عمتي ويبدي التحرش.
شربت درزنين مال حبوب خضر جانن صغار كُلهن بلعتهن حتى انام ما اكعد
بس صبحت مريضة وصخونة وجسمي احس بي شي يمشي ورجلي احي نملن
اعيط واروح للحمام اغسلهن بجيت شربتني ماما دوة وطبت الثاني يوم كُلشي
مابية .مرت الايام وجان تجي بالي فكرة كلت الابن عمتي اذا عبرت من حايط الحايط اقبل اتزوجك من اكبر كلت مستحيل يدبرها لان بيت سطح جدي وسطح بيت اخو صحيح نفس العلو بس بيناتهم فراغ تقريبا متر ونص وكطفلة جنت اشوفها جبيرة ومن اطفرها احس بفخر بنفسي هو هذا الشي اليحسسني بقيمت نفسي الخطورة الانفذها .كلت مراح يسويها شو هذا بسرعة طفرها
مثل باتمان اني كبل شردت سديت باب الغرفة ونجبيت وكعدت وغلست

وزعو النتائج طلعت الثانية رحت الصف الخامس بهاي العطلة الصيفية نزلو
عائلة جديدة مسيحية متكونة من اربع ولد وثنين بنات
هاي الفترة من حياتي هية الظربة القاظية الطفولتي شمعتي انطفت الشي النفقدة
من الطفولة مستحيل يرجع من نكبر