لا ترفع سقف توقعاتكَ علياً
كلما زاد الارتفاع زادت
قوة الضربة
—————————-
دخلني للغرفة وقفل الباب وبس صوت الصياح اسمع عيوني مركزتها
بالباب مصدومة حرب بعقلي اريد افصل عن الواقع اريد ادخل غيبوبة
هذا مو واقعي لا اكيد اني داخل حلم غمضت عيني بيت اهلي بغرفتي
قبل لا اتزوج باقر هنا حياتي جدي يصيحلي كومي جدو انتِ قوية
فتحت عيني على واقعي باوعت هاي مو غرفة نوم استقبال تخم عالي التصميم
تلفزيون على معرض منحوت بأمتياز ثُريات بأنواعها بالنهاية تلث بيبان فتحت باب على يميني حمام جبير عبالك غرفة على ايدي اليسرى مكتبة بيها انواع
الكتب و مكتب بالنص الباب الامامي غرفة نوم ضخمة دخلتها
كمت اصرخ الله ياخذك يا اياد حيوان الحيوان مو بشر اكيد كُل هذا البذيخ
كُلشي يريد ياخذة ما اعصى علية واني الثولة بعت مشاعري بأول جملة
غزل سلمت ما اتوب ما اخذت درس من اول ضربة وين اني ياربي
ارحمني وانطيني الصبر والقوة على تحمل واقعي المر
قفلت باب الغرفة وكعدت ورة الباب ابجي بحركة اني ما اريد سعادة
بعد ما دور عليها حياتي هادئة جانت بس ماحمدت ربي وشكرتة
الحب والعلاقة مو من نصيبي احارب قدري ليش
غضيت اصبعي وكمت الطم على رجلي ليش ليش صدكت ولج شكد ثولة
سارة انتِ لو تحبين نفسج متشمريها هيج شمرة
مبايلي بالجنطة اريد اخابر احد يجي ياخذني ما ابقى دقيقة هنا ابد
هنا سارة وطلعي كلبج دوسي علية لتصدكين بالحب والغرام
كلشي مصالح بهاي الحياة اخذني شهوة الحيوان هو اي واحد يشتغل
بالعدل وخدمة الشعب جذاب لا لا كلهم جذابين سارة بعد منصدك بيهم
انتهيت
سمعت صوت الباب انفتح ودخل اياد دك الباب
-سارة فتحي الباب احاجيج مفتهمة غلط
-ما افتح الباب و وجهك ما اريد اشوفة انطيني مبايلي اخابر اهلي ياخذوني
-سارة افتهمي مني
-شفتهم يومية متزوج وطلك وبنات العالم لعبة عندك انت حيوان
كام يضرب بالباب حيل
-فتحي سارة سمعي مني بالاول
-لك لعبت نفسي منك شلون البارحة خليتك تلمسني عائلة تدعون الاحترام
وانتم كل احترام للعالم ماعدكم اريد اعرف ابو شاهين متفق وياك بهاي لعبتك
-سارة افتحي حقج تضوجين بس افتحي وانتِ احكمي
-لا اريد احكم ولا شي وديني البيت اهلي
-طلعة من هذا الباب ماكو راح اقفلة
-عادي بعد شهرين تفتحة واروح اخذ راحتك
ماحجى بس سمعت صوت المفتاح نقفل الباب شعور النقص الزرعة
ابو بكلامة اتجاهي هزلي كياني شكد ضعيفة لعد واني اتباهى بنفسي
اني قوية يا قوى هاي
للعصر اني على فد بجية راسي انفجر
من التفكير غفيت كعدت على دكت باب
-سارة فتحي الله يوفقج والله انتِ اختيار ابد مو شهوة لو حاجة اختاريتج
زوجة انكمل طريقنا سوى هاي حياتي ليش اخلي ابوية يدخل بيها
ومحمد هو عبالة مثل القبلهن وماقبل يجي يخطب
-كم مرة رحت خطبت وابو شاهين وياك
-سارة فتحي افهمج راح تتخربطين كُلشي مماكلة
-كم مرة خطبت وابو شاهين وياك
حجيتها بعياط
-تلث مرات
-ههههههههههههههههههه الله يكرفكم بجهنم وتكلي خاطب وشهرين وفصخت
كمت اصيح بهستريا جذاب انت واحد جذاب ومتخاف الله
-بس اهدي الله يخليج ونور محمد من حبيتج بعد ابد ما اتزوجت
YOU ARE READING
سأُحارب لأجلي
Romanceاسمي سارة ومعناه الأميرة او السيدة النبيلة ...فقت الرغبة بالعيش في محطات كثيرة في حياتي الى ان وقعت عيناي على سطر في كتاب قرأته (اذا لم تستطع ان تنقذ نفسك من ذكرياتك فمن سيساعدك)
