دخلتني امي الغرفة بيبيتي الجوة ولبستني الشال دخل وراها المصور وخوالي وبابا وبيبياتي والعريس وابو العريس واخو اني مدنكة راسي ارجف اريد اكمل سورة وحدة من القران اعلس بيه وارجع اقراها كال الشيخ
-سارة سلمان هل تقبلين النكاح من باقر
صارت وشة بأذني ودخت لان شفت جيس السانتي مالتي جوة كرسي الشيخ
ياربي هذا شجابة من فوك الابنات عماتي شلون فشلة اذا شافو هسة عبالهم بيبيتي جايته الدورة اني احجي وية نفسي والشيخ عاد كليشة العقد بس سمعت قولي نعم اني كلت
-نعم
خلص العقد بس طلع الشيخ والزلم اني طكيتها ركض وراهم هاي بيبيتي هبطت معنوياتي من كلتلي مكياجج مو حلو ثقتي راحت واستحيت يشوفني
واني عندي عقدة التنمر على شكلي من صغري فبسهولة انهز صحيح ما ابين مهزوزة
امي بسرعة جرت الشال من عندي مالحكت علية لان طلعت للبنات بالكعدة يباركولي وهو فتر للستقبال يباركولة وصديقاتي نيالج حبي سارة اخذتي واحد يشبه الفريدو يااااي شكت نفخت ريشاتي دخل خالي واخو باقر علي يسلمون
علية ونطوني بياض عود ليش ما نطونيا بالغرفة الا كدام النسوان ما اعرف
دخل خالي الصغير سلم علية وطكينا صوربعدها كعدني على رجلة وطكينة
صورة جسمي عرك من الخوف بس مابينت وهم داخلة مرحلة النكران وصراع بين النفر والتقبل من سوايتة قبل وعود اتفاخر بين الاقارب خوالي يحبوني
نسيت بسرعة وتمتعت بحفلة الخطبة ركص وضحك وعماتي يضحكني ونور شامخة هي وبيبيتي يباعون على عماتي وبناتهم بستسغار
-فدو عماتو طالعة تخبليين
-شكراً عمتو حبيبتي
-انتِ وباقر لايقين البعضكم
نبصت بيبيتي
-لا عيني ابن اخوي احلى
-يااااا لعد بنت اخوي شبيهة جنها اول يوم العيد
بيبيتي عوجت حلكها ما عجبها حجي عمتي .امي ضاجت من امها روحها طفرت مهما يكون اني بتها وامها ابد ما سكتت كل شوية ومعيبة خالي جواد
مكيف هو وزوجتة الوحيدين اصدك يحبوني بس هم يسمع البيبيتي ..
بنات عمام بابا واقاربنا سحبوني بالنص نركص والله تونست خلصت الحفلة
صعدت للغرفة ركض اباوع على نفسي بالمراية الي ما اباوع عليها الا بالليل
دكت الباب سمر
-هلوو زروك مبروك
-شكراً بس متكدرين تضوجيني اليوم اني طايرة للغيم
-انتِ طايرة وغيرج غركان بالحزن
-اني شعلية بغيري تعاي فتحيلي السحابة
-خطيبج حلو
-اي ريحتة تخبل
-خرب حظي ركضتي على ريحتة
-سمر عليج الله عوفيني استمتع بهاي اللحظات لتخربيها
-لا والله ما اخربها بس نقهرت على عمر
-تعرفين من اباوع جنت بوجه اخاف وجسمي يكزبر حتى من اسمة شو هسة ما ادير بال
-اي مو نخطبتي لسبايدر مان خفي علينا انت وهذا عقلج الشاخط امشي فرشي
لو تموتين ما افرش اني مو تكولين مخطوبة ابد
عافتني وطلعت ثول رحت للسطح فرشت وحظنت مخدة ونمت واني مبتسمة اريد اتذكر شكلة ماكو نسيت شوفتة الى ان غفيت واني احاول اتذكر وجهة
كعدني الذبان شلون رومانسية خرب شلون رومانسية يلة بعد كم شهر اصبح بوجه محبوبي غطيت وجهي بيدي
-ثول البنية تخبلت ولج مو جنتي ثكيلة شو صايرة خفيفة
-صباح الخير سمور
-لا ضرب عقلج اكيد هاي كُل وحدة تعنس وتنخطب هيج
-ما راح اضوج روحي واسمع خبالاتج حالياً عايشة احلى ايام حياتي صباح الخير اختي
-صباح الزراك
كالتها وشردت اخذت سجى ونزلت نتريك امي كالت
-سارة بعد لترحين البيت اهلي عوفيهم
-ليش شبيهم
-اني اعرف شي وانتِ شي
لان ماعندي ثقة بأمي ماسمعت منها لان هية من الطفولة خلتني تحت رحمتهم
حتى ما اكدر اقاومهم ما اهتميت اصلا للعصر سبحت
-سمر عمتج ام رجلج جوة بالاستقبال
-شتريد
-طلعي بسرعة دزت عليج
غسلت على السريع وطلعت بدلت ودخلت سلمت عليها كالت
-عمة باجر نروح للسوك نشتري النيشان والذهب خوما عدكم شي
هاي تسولف وية امي لان هية جبيرة وابنها الجبير علي اكبر من امي اني بس كاعدة وساكتة امي كلتلها
-لا عمة ماعندي شي بيش الساعة ان شاءالله
-بالتسعة
-اتفقنا
راحت ام علي و امي نخبصت شتلبسين ولبسي هذا. امي رومانسية وكشخة بحيث من نمشي محد يصدك هية امي معتنيا بنفسها وتحب سوالف الحب تخاف يجي باجر ويانة فلازم اطلع بأطلالة تليق بها كوني بنتها حظرتلي شال كالت لبسي خاف ميقبلون اطلعين هيج
وهم بعناد امها واختها هاي بالدرجة الاولى يعني حطتني بخانت المقارنة
بين نور وبيني صرت طوبة بملعب ابو الكولين وكلمن يشوت بية براحتة بعدين وعيت على نفسي من اجتني ظربة توجع على راسي..
YOU ARE READING
سأُحارب لأجلي
Romanceاسمي سارة ومعناه الأميرة او السيدة النبيلة ...فقت الرغبة بالعيش في محطات كثيرة في حياتي الى ان وقعت عيناي على سطر في كتاب قرأته (اذا لم تستطع ان تنقذ نفسك من ذكرياتك فمن سيساعدك)
