كُل ما قالوه عن الحُب هو
لهفة واشتياق وامان واحتواء
———————————
خابر بابا مفخخة لاسقة حاطيها بسيارة ابواياد وراكب بالسيارة ادم ومفجورة
بي
شكد انقهرنا علية امي بدلت وراحت عليهم وية الجواريين
سمركالت
-سارة وجهج تدرين بي فوكر العالم امداج عبالي احضر خطوبتج فد مرة مو يومية رايحة جاية
-سمر عوفيني والنبي مالي خلكج
-اني هم ما اشاقى ابد فكرتيهم بس جابو طاريج امداج
صدك بجيت واني مخنوكة
-جذب والله اتشاقى مو تدرين بية اغرد من دون تفكير احب اسولف وما عندي سالفة اسفة بس لتبجين اجيبين الفكر لو طار ثول مسحي ادموعج انوب لايجينة خبر موته
-لجج اسكتي حلكج سدي شكد تحجين
-عمي اعصابج سكتت
شراح ناكل هسة مابية حيل اسوي اكل سجى تعاي جيبيلنة حلويات
هاي شاخطة البنية ابد مو بعقلها
انتظرت ساعة ودكيت على امي
-هلو ماما
-هلو سارة
-شصار ادم شلونك
-رجلة محتركة ايدة وجه ملفوف همزين مجان داخلها للسيارة هستوة طالع منها
وطاكة النار لايحتة الحمد لله افضل من ماميت
-الحمد لله هاي ولا شي اقوى شوكت تجين
-هسة بالطريق جايين
شوية ودخلت هي وبابا
-الله يساعدكم
-الله يسلمج بابا صبيلي جوعان حتى ارجع عليهم للمستشفى
امي كالت
-شتسوي رايح المستشفى مليان مو سلمت بعد شنو زيارة المريض قصيرة
-لا اروح ساعة عيب من ابو شاهين وادم خوش ولد ميستاهل
سمر كالت
-ماما هم شفتي امه
-اي خطية متخربطة والقاضي يفتر وراهة ميريد واحد يسمع صوتها لو بجيها
نوب هي ناعمة وكصيرة وهو جنة هرقل وبس طلع صوت بجيها خزرها وهي
تسكت من الخوف بعدين رجعها للبيت يغار ما اعرف متحكم بيها الله اعلم بعد بيهم بتها غادة تشبها كُلش
-شوكت يطلعو من المستشفى
-كالو يطول لان حروق رجلة قوية يمكن سمعتهم ينقلو يردون بمستشفى اهلي
بابا كلها
-يمكن خلي اخابرهم نقلو خاف اروح والكاهم طالعين همزين ذكرتيني
دك بابا عليهم
كالو باجر الصبح ينقلو
دكت ام الاستاذ امي اعتذرت منها
-انتم ورد يا ام مجد بس الگلب وما يهوى وهي هم صدمتها من ذاك الزواج
قوية تريد تعيش النفسه حالياً ان شاء الله يلكى الاحسن منها
ومرت اسبوعين ادم خطية هو بالمستشفى
خلصت العطلة وداومت اول يوم مر عادي ثاني يوم دخل الاستاذ روحة
بخشمة شرح وطلع ولا باوع الصفحتي ابد
رحت للكافتريا هو طلع ما سلم حجيت بداخلي شوف استاذ احسن شي اتقنة بهاي الحياة هي التجاهل وعدم الاهتمام موهبة هاي من الله اعمل بالمثل
عبالة اركض ورا واتندم همزين هيج سوة حتى اعرف هذا الطفل الرجل
غير متفاهم للمقابيل اليريدة لازم ياخذة قفلت علية بعد
رجعت من الجامعة اجاني مسج
(هل انتِ انانية ولم اكن اعرفكِ )
شبي هذا رجع دز
(اصبح ادم بخير الان الحمد لله ننتظر موعد لعمية التجميل)
YOU ARE READING
سأُحارب لأجلي
Romanceاسمي سارة ومعناه الأميرة او السيدة النبيلة ...فقت الرغبة بالعيش في محطات كثيرة في حياتي الى ان وقعت عيناي على سطر في كتاب قرأته (اذا لم تستطع ان تنقذ نفسك من ذكرياتك فمن سيساعدك)
