يكتم الإنسان حُزنه في قلبه
، ويظنّ أنه اختفىٰ
، فيظهر فجأة في الوقت الخطأ ،
وللأسباب الخطأ ،
وللناس الخطأ ،
إنها ضريبة عدم خوض المعارك في وقتها .
————————————————
جدو كال باجر خطبة مريم عبالي ام عمر تسويها بيتنا الخطبة بس ماقبلت كالت
بنتي يخطبوها من بيتنا كتلها ها هية يابة بكيفج
الحفلات كثرانة
مريم اكبر مني بسنتين اخت عمر
اجتني سمر
-سارة ترحين باجر للخطبة
-اكيد ليش
-من تشوفين عمر سلمي علية خطية والله روحة بيج هو لو ميحبج جان خطب بت عمة
-ميخالف اسلم بس اتكوليلي شكد انطاج
-والنبي ماكو شي بس احمد كلي يقهر ويحمس بالجكاير ويكول اني السبب خليتها تكرهني
-ميخالف اني هم ضايجة وحابة العب
-هسة انت بس سلمي لتلعبين واريد قميصج البيجي البسة لان اني عندي كرامة
اذا متوافقين ما اخذة بس ابوكة وانت تدرين بعد بكرامتي
-عبالي كبرتي بس ابد متتغيرين ميخاف انطي بس والله اذا رجعتي وصخ لو الكاج معقجتة وشامرتة امسح وجهج بالكاع
-دجيبي وبعدين نسولف
اخذتة واني اعرف هية مترجعة نظيف بس مدري ليش اليوم الله هاديني عليها
بدلنة ورحنة ثاني يوم اخذنة بابا وصلنا البيتهم ركص وضحك ونكمز والله شعور
حلو من واحد يكولك شكد حلو لو انتِ الحلوة منين يصعد هرمون السعادة الراسي
وافرح وبيني وبين نفسي
جذب من واحد يكول اهم شي جمال الروح صحيح مطلوب بالعشرة بس الشكل الخارجي مرغوب اكثر
واحد تقوى شخصيتة ويحس بثقة زايدة اذا مظهرة الخارجي جميل
واني صعدت ثقتي وتشجعت انطي فرصة العمر هيج كوة على نفسي بس اريد اركب بموجة واجرب .
اول مطلعت من بيتهم هو بالباب سلم علينة اني نزلت راسي ودخلت بالسيارة
ثقتي خانتني مو بيدي روحي تشمأز منة كرصتني سحر كالت فري راسج وسلمي
سويلة بيدج بايباي
-ما اريد
-خطية سارة شوفي شلون يباوع على السيارة
تجرأت وفريت جسمي وية فرت السيارة باوعت علية وسويتلة باي بيدي وضحكت
YOU ARE READING
سأُحارب لأجلي
Romanceاسمي سارة ومعناه الأميرة او السيدة النبيلة ...فقت الرغبة بالعيش في محطات كثيرة في حياتي الى ان وقعت عيناي على سطر في كتاب قرأته (اذا لم تستطع ان تنقذ نفسك من ذكرياتك فمن سيساعدك)
