أمتلك همت الملوك
وغنى النفس
وشرف العقل
—————————
كاعدة بالاستقبال من دون انهيار ودموع جسمي بارد .هادي وسجى نايمين امي بالغرفة
بابا بالحديقة مادخل .شكد اكره احد يعطف علية تعبت من التفكير نزلت دموعي
واخيراً نفسي صار عالي فقدت السيطرة على نفسي كمت اصرخ بصوت مكتوم
حطيت المخدة على حلكي وصرخت الى ان تجرحت بلاعيمي اجى بابا حضني
-يرحولج فدوة القذرين اعتبريها تجربة فاشلة هسة امج تخابر جواد وتشهرهم
-والله بابا محد خسران غيري اني الضحية منو راح يخليها تشهرهم وانت تعرفهم وتعرف امهم راح يجذبون الخبر وباقر راح يكول يتهموني وبيبيتي راح تكول يغارن من بنتي
-الله القوي ينتقم لو بعد حين .وليش انتِ خسرانة اني موجود وامج واخوانج بخير بيت ابوج موجود عمرج 19 قابل90سنة الحمد لله من عرفتي على حقيقتة قبل لتتورطين بطفل ابجي لتبقين خازنة الحزن بداخلج شهرين بالزايد وتتعودين هاي السنة اقري سادس خارجي اعرفج قوية وراح تتجاوزين هاي المطبة بحياتج
حياتنا مثل فصول السنة مو كُلها ربيع
باسني براسي وراح للغرفة
طلعت ماما عيونها مورمة ولا سألتها هي كالت
-اني موجودة لتهتميلهم الله بالمرصاد
اذا دك لتشيلي لان يريد يبرر حتى يشرد من تأنيب الضمير لتريحي
نطلع يومية المكان العصر اتنفهين على نفسج ابد لتبقين بالبيت الحياة مواكفة على واحد راح اجيبلج كتب سادس درسي تركي الماضي وهاي المدة اريدها تكون نقطة تحول ارجعي سارة القوية المتهاب وتنهز من احد مشيتها توكف الشارع التفوت بي ميلوكلج الانهيار ابدا.. يلة ماما تمددي وشوية نامي هذا اكثر اسبوع راح يتعبج بعدها صح تبقى غصة بكلبج بس بمرور الوقت تنمحي
-ماقاهرني بس الحب النطتهيا ذليت نفسي الخاطرة تحملت اهاين اهلة من دون ما ارد عليهم خليتة اكبال عيني تصوري نزلت من مستواي الفكري وكمت اقلد مرة سالم حتى يحبني شوفي بنتج وين ضيعت كرامتها
-هذا الرجال بس تسلمي كلبج ويأمن انتِ متركي راح يدور غير فريسة
الله يصبرج يا ماما تصبحين على الخير
طلعت وسدت الباب رحت للشباك و وخرت البردة شفتها كاعدة بالكراج تبجي طلعلها بابا حظنها
وكامو ثنينهم يبجون هيج اني عزيزة عدهم ويحبوني لو تأنيب ضمير الاهمالهم
وجع روحي منو سببة اهلي خالتي باقر لو اني منو يتحمل مسؤلية تشيع روحي
للصبح حتى جفني ميقبل يغمض دموعي خلصن بشهكة ابجي صعبة ياناس جسمي ثكل بالهم لو غريبة وقعها للصدمة اهون .التفكير هلكني من طلعت شكللها
هاي اول مرة لو اكثر رايحلها معقولة صارلهم سنة سوة لو اكثر
هسة رجع للبيت شراح يكول الاهلة من الصبح ما انزل ياحجة راح اقدمها حتى انفصل اكيد امي مراح تشهد ضد اختها قضية خسرانة مادام امها الضد
ما انقهرت بس من اسلمة نفسي واتجاوب ويااا
الصبح
اجتي سجى حضنتني
-شوكت اجيتي هادي ضربني ومحد دافعلي كتلة بس سارة تجي راح اكولها تأدبك
-حبيبتي بس يُكعد اادبة هسة عوفيني اريد انام
راحت كعدت بابا حتى يرحون يجيبون ريوك وين ميروح بابا تروح ويااا حتى للجامع عبالك ولد
-صباح الخير سارة اشتردين اجيبلج ريوك
-لا ما اشتهي
-لا راح اجيبلج كيمر عرب انتِ تحبي
-لتعب نفسك والله ما اشتهي
-اكلي بابا وقوي نفسج ترة محد يفيدج
سكتت وهو راح امي كعدت كالت
-ليش عيونج هيجي مورمات هسة اتريكي ودخلي سبحي وتمكيجي وبعدين كابلي المراية وابجي حتى ترتاحين لتضمين الخنكة بصدرح
بعدها تحجي واندك الباب راحت فتحتة
دخلت بيبيتي ترجف
-شبيج ها تراقبين بيت نورغيرتج وصلت للمراقبة ابن خالها وزارها واني موجودة
شنو كفرو
امي كلتلها
-شو من اجيناها انت ماكو وهو بغرفة النوم شيسوي خاتل ورة الباب وبنتج دشداشتها مال نوم
واليسمعج يكول النهاركولة نراقب بتج الثور وخيستها
-شوفي شلون تغارين منها عبن الزلم يعيرون نسوانهم بيها ونسيبج واحد منهم
مو ذابح روحة وكل نزول هو يمها
-هو منو يكودلة ولو مامشوشياتلة يجي لو بتج شريفة مدخلة للبيت الوحدهم
-وحق محمد جاي يسوي الكلوب محترك واني رحت جبت اكلوب حتى يشدة
وكال خفت لياخذون علية نظرة موحلوة لان الوحدي وياها وسارة تتحسس منها
-الله الله انت اطلعين بالليل ادورين اكلوب ماطلع هو؟انتِ مرة جبيرة ليش يخليج
اطلعين ليش ماركض ورانا وبرر بقى جامد انتن اذا هيج معجبات بي ما اخذتنة ليش رفضتنة عاد نفس الفساد
نجنت كامت تصيح
-شوفي لج ماجاي ابرر اخر همي حلكجن متفكنة واذا نور انجابت بالطاري
تعرفن بية شسوي انجبي وسدي حلكج تريد بنتج تطلك خلي تطلك بس بعيد علينا اتنكطن سم عوذة
خلت وطلعت فرت الطاولة عينا وسوتنا غلطانين وهم الحق الهم شايخة على العالم بزنكلتهم ومشترية حلك نص العشيرة وعمي شيخ شلندخ لويموت مينطي بيها وباقر
-ليش تبجين ماما عوفيها حتى اذا تحجين عمي راح يجي ينفخ ريشاتة ويطلعنة احنة الغلط
-لج هاي هم ام هجمت بيتج انتِ حفيدتها شتريد وين توصل
دخل بابا كال
-شفت ميساء طالعة شرايدة
-تهدد منجيب طاري بتها
-طيح الله حظها ابوج الله يرحمة دواها جان خالسها الله على الظالمين هو المنتقم
اني اعرف بنتي قوية وراح تشوفهم شلون راح تتعداهم بس يحتاج وقت تلملم نفسها بي
اندار علية وكمل كلامة
بابا علي بن ابي طالب عليه السلام يكول
أتعتقدُ إنكَ جُرماً صغير والعالم بك انطوى
هذولة غلبت بشريتِهم على روحهم وظلمهم على نورهم
انتِ العكس نور بداخلج
انتِ جوهرة نفيسة انتِ الكون بأسرة بداخلج
انتِ مثل الياقوت بصدفة
انت ذهب
بابا التجربة هاي بينتج انتِ انسانة رائعة لان ماخابرتي وشهرتي احتفظتي بحزنج والانسان من غير حزن وصدمات مينضج
انتِ عندج عفة نفس هاي الصفة مموجودة بكل البشر نادرة .تركيهم مع خوفهم من الشهيرة وابد لتعاتبين وتسمعين تبرير
يلة خلي نتريك صرفنة طاقة وحركان قلب على المايسون
امي جابت الاكل
كعدت واكلت لان كلام بابا قواني وحسسني براحة مو نسيت ولا نار كلبي طفت بس لمحت نسمة قليلة البرودة بصيف حار هلت بداخلي نظفت بالبيت حتى الهي نفسي
امي كالت
-دخلي سبحي وابجي اريدج تقوين هاي نار ولازم تجويج حتى تعبريها وتنتهي بوقتها متبقى ملاحكتج طول العمر
سمعت كلام ودخلت سبحت شبعت بجي كمت اربط الذكريات وكلامة
جنت مضحوك شكد صعبة امر بموقف ملازم اسكت عنة وهم ما اعرف احجي بي ساعة ودكت الباب امي
-يلة كافي طلعي
شتكولي اسوي احتاجيت هذا الاهتمام
دك مبايلي ملاك
ملاك متكدر تلزم السانها لازم تنقل الاخبار اول بأول تموت اذا ماحجت
-الووو
-الوو هلو ملاك
-راح اكولج شي عليج الله لتكولين اني كتلج
-لا ما اكول
-تدرين البارحة باقر اجى سكران ويصيح غلطت وبغلطي كفرت والله طردني من رحمتة واخذ سارة
ويصيح سارة بعد متجي شلون بية يابة ابنك كو..
لا لا هية وامها غرني اي اني مالي دخل
-بيش الساعة رجع
-ب3 الفجر وعمتي صعدت ادور عليج ماكو شوكت طلعتي للعشرة وربع انتِ بالغرفة
-يمكن قبل ال11
-انتِ زعلانة
-راح اطلك
-جذب شلون ،لا سارة انتم احلى اثنين بالبيت علاقتكم وحبكم وتعوفين عمتي اتكيف
-شعلية بيها اني وباقر
-شنو السبب الطلاق
-هيج تبطر ارفس نعمتي يلة باي ديري بالج على نفسج وشكراً على المكالمة
-يلة باي
YOU ARE READING
سأُحارب لأجلي
Romanceاسمي سارة ومعناه الأميرة او السيدة النبيلة ...فقت الرغبة بالعيش في محطات كثيرة في حياتي الى ان وقعت عيناي على سطر في كتاب قرأته (اذا لم تستطع ان تنقذ نفسك من ذكرياتك فمن سيساعدك)
