سأُحارب لأجلي

لماذا يا أُمي؟

لا تستغرب ان وجدت الشر في المكان الذي زرعت فيه الخير هناك أراضي لا تصلح للزراعة ..حين

حين توشك على السقوط تجد اشارة تدلك انه ما كان سقوطاً
إنما كانت رحمة الله لتتعلم كيف تقف

______________________
يوم من ايام حياتي رجعت من المدرسة ماخذة تسعة من عشرة وخالتي عشرة
امي لزمتني موتتني كتل شلون هية تاخذ عشرة واني تسعة من الحوف حرت وين اشرد صارت هوسة براسي من الخوف الى ان ستسلمت للضرب
ماجنت افهم على سلوكهة لو سلوك اهلهة
بداية الشتاء تزوج اخوها الجبير اجواد همة يصيحولهم بيت جواد الزناكيل
قبل ماجانت اكو كلمة طاكين بالمصطلح العراقي ما سامعتة .

سميرة زوجتة جانت حلوة شكرة عيونها خضر تجنن قبل العرس نفتح الحصار على البنات ابوهم كللهم روحو اشترو ملابس للعرس بس الجهال متروح
كمت ابجي اريد اطلع اشوف ناس مدري شلون خالي جواد قبل ياخذني بالبسكوت وياهم هو جان حنين علينة
اشترتلي ماما بدلة بيضة ام الفراشة الهسة اتذكرها من جوة مفشكة مثل الفراشة
وصار العرس جابو حطو كراسي بالشارع ونصبو مسرح وجابو مطرب هاي جانت الاعراس قبل حرب الحواسم شي حلو... ركصنة اني وخالتي نور الى ان نعست وحصرت نفسي بين النسوان ونمت ..ودخل نفر جديد بيت جدي اني
اكثر وحدة كيفت بيهة لان جانت ادافعلي من انضرب منهم لو من ماما
هية مابيها شي يتعيب جنها لعابة خطية يحيرون شلون يطلعون بيها عيب ونوب تصدك
جدي يضرب بخالي كدامها لو يسكر ويدفر باب غرفة نومة بالثنتين من الليل الى ان طكت روح خالي وقدم على التطوع بالجيش والتحق بقت زوجتة تمارة عدهم خطية موتوها ممنوع تروح البيت اهلها الا كُل شهر يوديها جدي ويبقى عدهم ميذبها ويروح لا من يطلع المفروض تكوم وتجي ويا وباقية ساكتة ليش ؟مبرمجيها اهلها ان المرأة لازم تتحمل اهل رجلها ورجلها والجوارين والحشرات هذا التربية غلط قللت من احترامها والانسان اليتنازل للناس الناس تتنازل منة .

خلصة السنة الاولى بالمدرسة ونجحت طلعت الاولى وجان تدخل بيبيتي ام بابا اسمها حليمة حلوة رشيقة وطويلة بيضة وعيونها جوزي فااااتح جنت ما اعرفها بس حبيتها من حضنتني كيفت بس شلون يخلوني افرح حصلتلي كفخة من بيبيتي ام امي شلون اسلم عليها اتكولي ليش بستيها هاي شريرة وحقيرة طفلة واصدك عبالي تريد مصلحتي وكامو يجون خطار حتى يرجعون ماما البيت اعيالها وطير السعد يبرالها لو مامرجعيها اهواي احسن بابا كلشي خسر

فديوم من ايام دخل جدي صرخ على ماما كللها تردين سلمان على بابا كلتلة اي
مو اي كالت عبالك سبتة كام عليها موتها وبالنهاية شمر عليها سراحية كزاز فلش راسها بيهة خالي جواد شالها و وداهة للمضمد مدري للدكتور ما سألت
اتذكر صرخ جدي على خوالي مازن ومحمد حتى ياخذوني اني واختي البابا
اني جنت امشي فرحانة طلعت منهم الطريق مو كُلش بعيد
دخلونة وراحوا الله يلراحة الحسيتهة عند عمتي الصغيرة وبيبيتي وجدي وعمي علاء اصعد انزل محد يحجي ياناس اصعد للسطح ممقفول شكد حلو أوكف بالباب شعور غريب اجتاحني راحة غريبة كمت اتنفس طبيعي
عمتي  اسمها فاطمة عمرها تقريبا 23 سنة تلعب وية اختي سحر  وأُختي مكيفة
بابا اخذني بالمنطقة يعرفني على اصدقائة ودخلنا البيت حديقتهم تجنن ركضت على وردة مفتحة كطعتها طبعا بأذنهم ومكيفة بنص الطريق بابا كلي حبيبتي سارة لتثقين بأمج اني مافتهم شنو الثقة يعني وكل كلامة ما افتهمتة
يوم والثاني دزو عم امي ياخذنا لان ماما تبجي علينة بابا بالشغل جان واني
شردت ما قبلت اروح ختلت بغرفة جدي بعدين اتذكر اني صاعدة بالسيارة شلون طلعوني من الغرفة ما اعرف وصلنة وكللهم سارة ماقبلت تجي وياي
كلهم كالوا هاي مو مال احترام ربيناها ودللناهة وهسة تريد بيت جدها الفكور
همة مجانو فكور ناس من الطبقة الوسطى مامادين ايدهم الواحد جدي خلفة مال بناء و يشتغل دلال وعندة مشتملات مأجرهن بس هو بخيل شوية
ماما جانت تريد ترجع لان محتاجة بابا حتى تطلع من تحكم وظلم ابوها مو محبة بي .
رجعوا كرابة بابا يجون يرجعون ماما و ودي ناس وجيب ناس قبل ابوها نرجع
اني من عمري سنتين عدهم الى سبع سنين رجعنا البيت بابا اخذنة بس ملابسنة كُل الغراض الجان مشتريهن بابا ومأثث البيت بيهن باعوهن ورجعنا البيت جدي ابو بابا جانت عمتي متزوجة الصغيرة وتعرفت على الجبيرة اكبر من ماما والثانية هم جبيرة ياسعادتي ذبحو ذبيحة برجعتنة وتعرفت على بنات عماتي وشلون يحاجوني ومهتمين بينة