سأُحارب لأجلي

12

جعلوا مني إنسان لا يثق في أي أحد

جعلوا مني إنسان قلبه مليء بالخذلان والخوف...

من الخالرج ابدو قوية لكنني مهشمة محطمة

——————————————-
ورة صلاة المغرب حضرو الخطابة العريس و امة وخالتة وسوالف وضيافة نسمع

بس الصوت ورة الباب خاتلين دخلت بيبيتي خزرتني
-لطلعين

-مطالعة

اخذت نور وراحت اسمع خالي يكولة شوفها بلا مكياج ويضحكون بسرعة رجعت
نور للغرفة

-لج يخبل يخبل تعاي شوفي من ورة الباب

-لا ما اريد اشوفة ولج امج تعلسني

شمرت روحها على الجرباية وتتمضحك

-الجمعة الخطبة

-لا عليج الله امتحانات نهاية السنة السبت

-درسي الخميس الصبح والعصر تعالي حتى نأجر بدلات ونحجز صالون
متفقين

-متفقين
ثاني يوم اجتي ماما تاخذني ضايجة وتحاجي نور

-لتفرحين هواي درو عندج ورث واجوج محد ميت على خشمج الجبير

-شبيج يمة وية اختج

-عائلة سكط تعرفين بتهم جانت مدخلة واحد ورجلها بالحرب يحارب وشافتها

عمتها وطلكوها
- نعرف والقصة صارلها سنيين والبنية تزوجت وصار عدها جهال شعلينة بيهة.
نقهرت على نور شبيهة ماما هيج تحجي وياهة المفروض تكيف
اختها راح تتزوج وتفرح الفرحتها

صارت مجادلة كلامية بين بيبيتي وامي بهاي الاثناء اندك جرس الباب
دخلو بيت عمهم عبد.. نسمعهم صوتهم عالي جاين خطابة على نور
من سمعو بيبيتي كالت اجوها بيت ابو حسين الابنهم رحمن وانطيناهم كلمة
واحنة منكدر نجبر البنية على ابنكم .. انتهى النقاش وطلعو ضايجين

اخذتني ماما وطلعنة البيتنا
-ماما ليش هيج حجيتي وية نور خطية ضاجت
-ضاجت موخفتي على مشاعرها حظها مثل حضج هسة تضلين على كلبي
منو يكليج وانت بت سلمان لافلوس ولا ورث
كلامها جان ضربة قوية وجهتة الروحي حسستني اني لاشيء منبوذة
من قبل الناس دخلتني بصراع بين نفسي بعدني ممجاوبته جان تكول
-الله ينطي عمر كلبج
شكد جانت عندي احلام احققها احب الحرية احب السفر ردت اوصل واهلي بضهري هية مدري ليش تدفعلي فلوس للمدرسين حتى ادرس وانجح
ما اعرفها شتريد شتتني دخت كمت ما اعرف نفسي شريد .بلحظة كلامها ضاعت احلامي حسستني اني داخلة بالعمرين وباقية على كلبها
تاه مني الكلام سكتت و اول موصلت  بدلت وللسطح كبل نمت لان طافية الكهرباء
ومولد البيت عطلانة عند المصلح ...

رحت  الخميس العصر مثل ما اتفقنى اخذنا خالي للبدلات اجرت بدلة 
ذهبي مطعم بلون بيجي حلوة .بالليل كوتلي شعري نور لان بس هية تسيطر علية ثخيين وطويل سوتة يخبل مكيفة بي كُل شوية افتحة وأوكف اكبال المراية اللعب بي عود اسوي بي اعلان شامبو
بيبيتي تشوفني وتفر ايدها وتروح ثاني يوم الصبح راحت للصالون واني بقيت
بالبيت حطيت مكياج خفييييف واروح وارجع على المسكارة تطلع رموشي طوال وهن ثخان وانتظر نور تجي مكيفة اكمز من الفرح
دخلت نور من الصالون طالعة تخبل كعدت بصفها وكُل شوية تكولي
-عليج الله طالعة حلوة
-تخبلين تجننين طالعة
قرو الفاتحة واخذوها الغرفة بيبيتي كطعولها مهر وطلعت والناس تهلهل وتصفيك وركص تونسنى كُلش .
رجعت للبيت لكيت ام ريام كاعدة يم جدي
تسولف سلمت وكعدت اسولف شصاربالحفلة سحبتني من ايدي ام ريام ودخلتني
للمطبخ
-سارة اخوية اياد ذاك اليوم شافج ورايدج انت شتكولين اني كلت الجدج
والله يدللج وتبقين اتكملين ميحجي وامي مريضة وابوية فقير خواتي ماباقيات باجر عكبة يتزوجن.
-اني ما اريد اتزوج
خفت من كلتلي احسهم ياخذون روحي من يجيبون طاري الزواج جسمي ينمل
شكد جنت مصممة ما اتزوج بس الاهل والقدر الهم رأي اخر
-أخذي وقتج حبيبتي لترفضين من هسة
اجتي اختها شيماء بعمري تقنعني ومن هذا الكلام اني رفضت رفض قاطع
-الشهر الجاي حنة رؤى اختي تعاي شوفي بيتنة ومنطقتنا وعيشتنة
-خاف امي متقبل تروح منو يرجعني
-هسة انتِ تعاي وتونسي ومعليج بالباقي اني باقية هنا حتى نحظر ملابس منا...