سأُحارب لأجلي

32

تُزهر الورود بالربيع
وتُزهر القلوب بكلمة

أحذر حين تتحول قضيتُك
من قلبها الى عقلُها
————————-

-شلونهم العرسان
ثنينة سكتنا محد رد جر كُرسي وكعد
-عرفت الكاك بالجامعة من سألت عليك بالمحكمة وكالو طالع ..فكرت بكلامي
اريد جوابك
باوع علية كال
-اكيد ماكلج على اتفاقي ويااااا
-يابة عوف الموضوع هسة
-لا ما اعوفة حياتنا المهنية والاجتماعية معتمدين عليك
-الله كريم هسة طالعين نتغدة برة تحب تجي ويانا
-لا اخذ راحتك شوكت تسافر
-عشرة ايام
-لعد من ترجع نتناقش بالموضوع
باوعلي بصغر وراح
جرني من ايدي اياد وطلعنا من الجامعة حرك السيارة ساعة هو يسوق
-ممكن اعرف وين ماخذني
-سارة باعيلي
-باوعت
-حياتي السابقة مالج دخل بيها ممزوج زواج حقيقي شلون افهمج الله يخليج
مجرد افراغ شهوة كُل شاب بالكرة الارضية عندة هاي المغامرات الجنسية
وهاي اني من يوم الشفتج بالمحكمة صمت عن النساء دك كلبي وفقدت رغبتي
بيهن شغل شاغلي صار انتِ ابوية رجل صعب ومتحكم ما ردت يعرف زواجي منج عن حب
خليتة براحتة يفكر لان اذا عرف راح يخربها ومو بعيد يزوجج الواحد من معارفة بس
حتى يبعدج عني
-وبنتك
-والله مو بنتي اصلاً امها شريفة زوجة صديقي وبنفجار اتوفى واني كفلتها
الطفلة معوقة ومرة ابوية شافني بالمستشفى وياها جانت متخربطة عبالة
بنتي واني هم مابررتلة بيناتنا الحجي احب اغثة لان
حياتي بيدة بحركة بسيطة يسحب مني كُل شي واني كاره هذا الشي
-وشصار من عرف بيها
- صار عصبي وسحب مني بطاقة المحامة و وقفني سنة كاملة عن شغلي
وكلي ممنوع احد يعرف بيها بنتك
-وادم يعرف بيك
-كُلشي يعرف ادم حتى ميقبل يتزوج بعد لان تزوج مرة شهرين وزوجتة شردت ..سارة ابوية رجل متحكم واهم شي عندة المناصب والكُل تحت امرة
-شنوعدكم وية الشهرين
-صدفة ماعدنة شي
-وهسة اياد شتريد
-العندي وضحتة الج
-ممكن تاخذني البيت اهلي وترجعلي مبايلي
-ارجعلج مبايلج بيت اهلج خلصي امتحانات ومن اسافر اذبج عليهم سارة
انطي علاقتنة فرصة
-شكد شهرين
-لا طول العمر
-انتَ كلت ابوك متحكم وحياتك بيدة وزواجي منك وصلتلة فكرة اني مثل
بنات الليل بوقت محدد وتنفصل مستحيل اوافق اكمل بهيج علاقة
انتَ متعرف اني شكد عانيت قبل ..كُل الاريد هدوء واكيد مموجود بحياتك
ما اقبل احد يوجهني بحياتي لويهيني
كان المفروض متخاطر وتزوجني وانت تعرف روحك بيد ابوك
-احبج سارة خفت تزوجين لو تحبين ردت كلبج بس الية
-ههه الحب وحدة ميكفي هم باقر يحبني شنو الحصلت من الحب
-لتخلطين سارة لتقارنين وتجيبين سيرتة
ضرب ستيرن السيارة حيل
-صحيح ما اقارن لان هو يعرف بية نزيهة ما وصل فكرة الاهلة اني موزينة
-كافي كافي سدي حلكج ماحجيت لان اذا اكول احبج اخسرج ما ردت اخسرج
-لتصيح كافي انتهى كُل شي مثل ما كال ابوك شهرين وننتهي ولو بيدي من اول يوم دخلت بي بيت اهلك وسمعت اهاين ابوك وانت واكف متفرج
-بعدج متعرفيني مستحيل اتنازل على شغلة تابعتلي ومصير ابوية يرضخ
الامر الواقع
-متهموني
حجيتها ودرت وجهي على الجامة شلون فرحت ذيج الفترة شنو الفرح عندة
عتبة وياي ابد الراحة والفرح ميجتمعن بحياتي
فريت راسي علية شعرة اسود مشط ليورة عيونة مخنزرات كُل شي بي
يجذب اكبر وحدة امداك شكد حلو وخبيث
اذا رجعت البيت اهلي وانفصل راح مين ما ادير وجهي شمات
ياربي ساعدني اليصير وياي هواي
-ما اريد اروح المكان رجعني للبيت دايخة اريد اكمل دراستي
-بس نتغدة ورجعي حبسي روحج بالغرفة
-ما اريد اتغدة
لاف السيارة ورجعنا للبيت نزلت بالكراج ونسمع صوت اصياح ابو
هو دخل يركض اني صعدت فوك ولا ادخلت وصار صوت ابوهم قوي
وصار صوت ضربة مدري منو انضرب
خلي استر على نفسي لتجيني ضربة شهل عوائل واني مشاكرة ربي على عائلتي
هذا التبطر بعينة والله دخل ارجعلهم اجلب بيهم بيدي وبرجلي بابا اقوى
هوسة عندة الفطور تأخر هاي نعتبرها مشكلة
دخلت اسبح حارة وبدلت صار بوجهي اياد لازك خشمة اكيد الضربة جانت بي
-هذا مبايلج بس سارة لدخلين اهلج بحياتنا
-شبي خشمك
-ماكو شي نركعت بالباب جوعان نزلي صبيلنة غدة
-اني انزل وابوك موجود الا ما رايدة روحي اذا جوعان امك تصبلك
-امي مريضة
تنفست حيل وجه ابو يقبض الگلب كلبي الهسة مقبوض من شفتة الصبح
-امشي ننزل سوة
هزيت راسي موافقة الظاهر هو هم ميريد يشوف وجه ابو بعدني على الدرج
واسمع صوت ادم وابو يصيحون طلع ادم عصبي صار بوجهنا شاف خشم ايام
-شبيك
-ماكو شي
-بدأ ابوية يهدد بيك بأمي اياد امي مابيها حيل ابوية تعبت راح يموتها
-شسوي يعني شوفت عينك اني هم تعبت اريد اعيش
-كتلك تتندم واني وانتَ نعرفة لتدخل بهيج طريق بس انت عنيد وين يصرفلك
اذا مو انتَ اتفوز
مستعد يدخلك سجن سنين اذا رفضت طلبة هذا منصب جبير يضيع من ايدة
يخسرنا كُلنا ويقدمنا فداء ولا يضيع هيج مركز