أن اردت غزو شعب ما،
أصنع لهم عدواً وهمَياً
يبدو لهم أنه أكثر خطر منك
ثم كُن لَهُم المنقذ
(نعوم تشومسكي)
—————————————-
رجعت امي من الفاتحة شوية هدئت الحرب بينها وبين بابا لان كانت دائماً
تهدد اروح وبعد متشوفني اني والجهال وتعرف ابوية مجربة هو جان يتراجع مغلوب على امره ..بهاي الفترة بدت بشرتي تفتح بشي ملحوظ هو اني حنطية مو غامق لوني بس الشعر الاسود تارس وجهي وشعر حاجبي الثخين .
أُمي كامت تهتم بية رادت تقربني الها وكمراهقة محتاجة هذا القرب بس تقربي ميشمل الحظن وابوسها لا يعني كلام شمحتاجة اكولها اسلوبي العدائي انتهى تقريباً أو عرفت شلون اروض نفسي كمت احاول افهم الناس الحولي من دون صوت مراقبة فقط كوابيسي
مستمرة .
يجون بنات الاقارب نلتم عادي كمت اطلع عليهم واسولف تقريبا كمت اعرف
اختار وقت طقوس حزني. ومواجهة نفسي تبدأ بالليل واحتمال الظهر بس محبتي للعزلة مستمرة ..البس قناع من اطلع من غرفتي ومن اتعب ارجع .
اندك الباب
-منو
-اني سمر عليج الله بس طلعي
-ومن اطلع شغلة طايح حظها مثلج
-لا والله هاي غير شي بسرعة شبيج
طلعت واني اعرف سوالفها بايخة مثلها صعدت للسطح جان تأشر على ثنين يمشون
-شبيهم ذولة
-لج ذولة اصدقاء هاي بت ماهر وهذا خضير
-وخضير مو صديقهة اخوها يالذكية
هسة اذا اذبج من السطح احد يكولي ليش شو تضحكين درت وجهي
طلع عمر جوة بالحديقة وهية طلعتني حتى يسلم ويلتحق بجيش صدام اذا ما دفع بديل وهو ما اعرف ليش ما دفع وخرت من الحايط بحركة سريعة هية ركضت مالحكت بيها
-والله بس الزمج اهلس شعرج الثولة ام لسان
-عذريني بعتج بلفة كص
-دولي شوفي شراح اسوي من دخلت للغرفة مليت جدر مي ودخلتة بالمجمدة
انتظرتها للعصر تدخل تسبح هية صايرة تسبح كُل يومين عود كبرت .
بس دخلت وسمعت المي انفتح ركضت جبت المي من المجمدة جان شهر الثاني
بس اني اكدر افتح باب الحمام بالشيش مال لحم شلت جدر المي الباااااارد وعلى راسها صرخت صرخة الشارع سمعة
اجتي ماما
-شكو
-ربي بتج خليها توب مني اذا مرة ثانية سوت سوايتها الا اذب عليها مي يفور
-شسويتي انوب متبطلين انت
-الولد كال اسلم عليها واروح وسويت فعل خير غلطت امشي طلعي من الحمام يل متستحين وخري
-لو ما انت تبدلين كدامي كالت تستحي رابعة العدوية ..
خلصت عطلة نص السنة اول مداومنة يوم عادي ثاني يوم بالاسطفاف جابولنة
وحدة تشرح على السلامة اذا صارت حرب وشلون نختل وشنسوي واذا صار
حريق شنسوي ثالث يوم هذا الاتذكرة المديرة كالت اليوم سبت السبت الجاي تعالو الكل كام يحجي راح تصير حرب وامريكا تجي تحتلنا ..
كوني قارئة جيدة للكتب اعرف ان الاحتلال يقلل من قيمت الشعب ويستضعفوا
ويقتلون شبابةَ وتنتهك حرمةَ ويمزقون الشعب بالفتن ماعرفت بوقتها راح يستخدمون الطائفية لنحر بعضهم البعض من شرحت هذا الشي للبنات ضحكو علية اكيد مراح يفهموني كمراهقات همهم يجمعون صور اللواعيب والفنانين والفنانات
والكشخة بالطريق اسولف الصديقتي عن اذية الاحتلال للبلد
-والله بطرانة غير راح تجينا دولارات الله ونشبع
- ترة الكرامة وغزت الوطن اهم من الروح نفسها
-بشرفج اسكتي خليني اتحلم امريكي يسوي انزال ويوكع على سطح بيتنة الله
ويدخل دخيل البيتنا واني اظمة حتى من اهلي
-عقلج شاخط لو فيشت الكرامة مشلوعة لج احتلال متعرفين شي عنة سدي حلكج وكرمينة بسكوتج..بنفس الليلة صار القصف على بغداد
نور دزت علية ابقى عدها لان اتخاف.
ابد ابد ما خفت نهائياً خطية هية من تصير ضربة قوية تختل جوة الدرج تبجي
YOU ARE READING
سأُحارب لأجلي
Romanceاسمي سارة ومعناه الأميرة او السيدة النبيلة ...فقت الرغبة بالعيش في محطات كثيرة في حياتي الى ان وقعت عيناي على سطر في كتاب قرأته (اذا لم تستطع ان تنقذ نفسك من ذكرياتك فمن سيساعدك)
