العثرة الثانية عشر
.
.
.
مدخل
.
.
.
اللي تركني وأنا في عـز غربالـي
بعد الشدايد وش اللي ذكـره فينـي
يبغى زمانه يعود ويرجـع الغالـي
وش لون يرجع بعد ماطاح من عيني
لاالوقت وقته ولاله شي فـي بالـي
أنا نسيتـه مثـل ماكـان ناسينـي
ياما تمنيت نظرة منـه فـي حالـي
يامـا تمنيـت صوتـه لوينادينـي
وأقول لااظلم علـي الليـل بلحالـي
الله يجيبـه يشتـت غربـة سنينـي
من كثر ماكان طيفـه دايـم قبالـي
احيان احسه معي وتضمـه ايدينـي
ولامن تنبهت ليـن وجيـه عذالـي
كلٍ علـى ماطـرى بالـه يسمينـي
ليته تركني بعد هـذا علـى فالـي
زي ماتركتـه بعدقتلـه بساتيـنـي
من بعد ماصار جاب بلسانه الحالي
يبغى يرجـع زمـان بينـه وبينـي
قولوا له اني مااحبه كثـر ترحالـي
او لا حرام يتضايـق والا يبكينـي
قولوا له اني احبه بـس مـن تالـي
ان راح والا رجع ماعـاد يعنينـي
.
.
.
.
بعد ساعة...
كانت تتكئ على كتفه وكأنها طفله...
كان يمسك يدها...من ثم يضع الاخرى يتحسس خدها...
كانت بكاد تفتح عينيها وتشعر بدوار فضيع..
وصداع عميق ...
شعر ان روحه تقفز من مكانها وهو يراها بهذا المنظر...
عقاب بوجع/فخر يا عين ابوك انتي طيبه طيرتي قلبي من محله ..؟
كان رأسها يؤلمها بشدة...والدوار يتركها ثواني من ثم يعود...
همست بضعف/يابوي دوخه بسيطه لاترتاعون..عشاني ماكلت شي وانضغطت بشغل اليوم وعلى سهر مثل ماقالت لك الدكتورة هدى...
عقاب يقاطعها/ وجهك باقي مصفر...خذيت لك اجازة وبنسافر نريح كلنا اسبوعين برا...!
عمشاء تقاطعه وهي تحتضن كفها الاخر /ماتاكلين شي لين طحتي من طولك علينا...الله يهديك بس...
حاولت ان تجلس وتتنفس بعمق/يبه مايحتاج نروح مكان بعدل بس اكلي وماعاد بضغط نفسي بشغل... خلاص يمه عيونك قالبه حمر من كثر مابكيتي ترا شي بسيط الله يخليك لي قومي اغسلي وجهك طلبتك...!
ربتت عمشاء على يد فخر المعانقه ليد عقاب من ثم نهضت لدورة المياه...
عقاب بحنان/نتايج تحليلك طلعت نقص في فتامينات عندك وحديد هذا وانتي دكتوره ماهتميتي بوش ناقص جسمك..لو تبين اوكلك بيدي واخلي كل شغلي عشانك بس اهتمي بنفسك يابوك!
بدون مرواغه/انت عارف وش فيني لاتحطها على فتامينات وحديد!
قاطعها/وش عليك من رجال وحرمته...!
بحزم/ابوي وامي وشلون وش علي تبي تعرس على امي...تعرس على الرمح ليش ان شاء الله...!
