عثرة 23
.
.
.
مدخل
.
.
.
يا من ذبحت المحاني من غلاك الجموح
مرابطك في خفوقي ليه .. خليتها !!
نسيت مفلاك في ضلع الغلا والسفوح
اللي على طارف اضلاعي تخطريتها
فوحت دلة غلاتك .. والمشاعر تفوح
وبن الهوى يحيي الاذهان ويميتها !!
وصبيت لك من بهار الطيب ( فنجال روح )
ونثرت صبة يميني .. يوم مديتها !!
اوجعتني وانت ما تدري .. لو انها مزوح
وفهمت وش مقصدك منها .. وقاسيتها
يا ليت جرح الهوى لحظات عقبه يروح
ما كان نفسي على فرقاك .. حديتها !!
عواصف الحزن هدت من جفاك الطموح
في كلمة (ن) لا وصلت إلها .. تعديتها !!
أسكت الحزن في .. وتنطق العين بوح
حسبي على دمعة لرضاك هليتها !!
خلاص باح العزا لو كان قلبي سموح
يا أول وآخر أماني قد .. تمنيتها !!
الحب ماهو بغصبا !! تبغي تروح روح
ذبلت ورود المشاعر وأنت ما اسقيتها
قد قلت لك .. والقسى في عين صدك يلوح
حدك معك بالجفا .. وما كنك اوحيتها !!
مبدا المحبه غرام ومنتهاها جروح !!
هي هكذا .. تجربتها .. يوم عانيتها !!
ما كنك اللي عرفته !! يا الغزال الذبوح
حيرتني باربع اشياء .. ما تهقويتها
( حبك / وداعي غلاك / وغيرتك / والوضوح
ماتت من الحزن ولا وين وديتها !! )
ان رحت عنك تجي .. وان جيت يمك تروح
يا تنهي المسأله ولا ترى انهيتها !!
كرامتي مالها .. إلا استاذنك بالنزوح
فإجمع خطايا الغرام .. وشب كبريتها
.
.
.
.
.
.
لاتليهكم الروايه عن الصلاة في وقتها
.
.
.
الاسبوع الحافل هاهو يمر شد وجذب على جميع الاصعدة...
انفاس بندر الصبورة في ذلك الاسبوع بدأت تعد العد التنازلي فكل مايريدة فخر...
اعصاب غيام قد فقدها تماما وهو يرى فلته تعرض للبيع ويرمي بلوحتها مرارا وتكرارا...!
حاكم من مكيدة من عقاب هاهو يتعرض لمجلس تأديبي في حق مهنته...!
وهاهما البندر يجتمعون وﻷول مرة لفرح...او هكذا يعتقد..!
لم يخفي غتار مزاجه الحاد وهو ينطق جملته بكل تهكم /تشوف الي اشوفه يبه...!
بندر الذي يعدل بشته ويلفه .../مايكون عقاب اخوي لو ماسوا كذا...!
كانت شاشة العرض الضخمه تتوسط الحديقة وعبارات تبريكية فخمة لابنته..
واضخم الشعراء قد وضعو ابياتهم الشعرية لاجل تلك المناسبة...
كان هناك خمس سيارات مرسيدس موضوع فوقها شريطة حريرة ضخمة ومجموعة بالوانات بيضاء..ولوحة معروضة امامها...
شغلها...وبتكون لك...!
مجموعة غزلان تتقافز في حديقته هنا وهناك...الطواويس التي تقطع بكل طمأنية المكان وتنفض بريشها فتظهر بكل غرور الوانها الجذابه...
الاكشاك الموزعة بنتظام بشكل ريفي...وكأنهم يقومون ببيع الورد لكنه البوفية الريفي الذي معد خصيصا على ذائقة عقاب...!
