بقلمي:- أماني الـ أحمـــد
༺ حَـيــــــــف الديجــــــــــور ༻
انـه اصحلكم صدى بـ ساعة العازة
البيها چفكم للسوالف ما يصح
عريان السيد خلف
……………
«رَنين»
_وصلت بيت عمو حسين نزلت أني وأرلاَ دخلت بين ما هو صف السيارة بس عتبت رجلي باب الصالة غمضت عيوني وهمست
:- لا دخيلك ربي مو هيج.
حال الضيم حال خواتي وين أباوع وين اصد عيني عيوني يغوشن كلما أرجع اشوف منظرهم
حسين يهز بجسمه بطريقة مُريبة مخلي راسه بين رجليّ
وَتين عاصره راسها بدينها وتصرخ صرخاتها صارت مكتومة كد مانبح صوتها من الصراخ
مَريم يمها لينّ وراسها يجري دم تجر بيها لينّ وهي ترجع وتصرب راسها بالأرض حتى!
عمي حسين گاعد ؏ التخم هوّ وأخلاص خالد گاعد ولا عبالك شي صاير.
فزيت من تفكيري من أرلاَ سحب أيدي يفتهم مني شنو يصير
أرلاَ:- رَنين شديصير شنو هاي حالتهم شكو؟؟
ماجاوبته رجعت نظري لـ وَتين ومادري بنفسي شلون واڪعة بحضن أرلاَ فتحت عيوني ببطئ بس اشوف شفايفه تتحرك بعجل رجعت غمضت.
«مَريم»
_دقائق، ساعات، أيام...
حسيت بثكل ؏ صدري گمت اتلوى أريد يروح مني الثكل هذا
أريد افتح عيوني ما أگدر، حركة رجليّ مشلولة أحاول أحرك لساني بس مربوط ماگدر هم ريحة تلعب النفس مالية المُكان عطست والريحة مُقرفة.
گمت أحس بشي حار ينزل من عيوني أثاريها دموعي تنزل، أيديّ مربطة مادري من وين
بس شو ما أحس ماعرف شي صارت أصوات
اقدام أشعر بيها تتقدم نحويّ أريد اصرخ بس ماگدر
أختفى الصوت نص ساعة وصارت
أصوات قفل ينفتح،
بس هم ماكو شي أريد احرك روحي بس مشلولة ماحس بكل عضو بجسمي.
فقدت حواسي كلهن بس بقت حاسة السمع أكدر اسمع أصوات بعيدة وقريبة تحاوطني وتختفي.
مرت ساعات مادري يوم، صار أصوات ضرب طلق تذكرت
يومً من كنت صغيرة وأصوات الأنفجارات والرصاص الي ماوكف على أثر هاي الذكرى ومن مرارة مامريت بيّ تحركن رجلي وگام يصدر مني أصوات،
صرت احرك رجليّ بهسترية أضحك سمعت صوت مُرعب سكتت أختفى الصوت
خفت وزحفت برجلي للوراء نصدم ظهري بشي صلب خلفي يمكن حايط
أريد احرك أدية بس ماگدر حلگي يابس مخنجر رجعت اصيح ورجع نفس الصوت المُرعب حسيت بحرارة دموعي تنزل
بس هاي الدموع ماتبرد حرگة گلبي من الخوف نكتم على أنفاسي صار هدوء هدوء هدوء بشكل مُخيف
أنت تقرأ
حيف الديجور³
Mystère / Thrillerحَيف الديجور بظلام دامس كل ماترونهُ هوَ ظُلم. سَوف تتعمقون في الآفاقِ لـ ترون كُل ماهوَ عاقِ بَشر خُلِقوا مِن طيـن يستلذوُن بـالعِقاب المُلين خُدعٌ وحيّل وأفكار شَيطانـية أرواح خَائِفة لاتَهوى الخَفية فيّ ثارً قَديـم يتجددُ الأنتقام الأليم على أياد...
