حيف الديجور³

"الحَيف السابع" ❄

بـقلمي:- اماني الـ احمد.

༺حَيف الديجور ༻

حدى بروحي الوداد ومادريت المن .

لـ عريان السيد خلف

........................

«مَريم»

ڪعدت على صوت همس داخل غُرفتي فتحت عيوني بـ ثگل لمحت خالد ديخابر
وفاتح سبيڪر بصوت عالي وينافخ بـ غضب

خالد:- هيّ هيّ نفسها ولك هاي بنت محمد مو سعد.
:- يعني مريم بنت محمد؟
خالد:- اي ولكك شسويي إذا عُرفت شسوي؟
:- دصبر اصبر خلينا نفڪر نشوف شنتصرف لاتسوي شي هسا خل نشوف تاليتها.
خالد:- نحس اني ابن نحس.

:- دسكت على اساس اني مو اخوك.
:- يلاا ولي ما راح اخلي
وَتين القانوني تشوفني
هاي الفترة لبين ما افهمها مو اني السبب.

- سد المُڪالمة ورجع يفتر بـ الغرفة، عيوني مضبضة الصورة

مَريم:- خـ خالد.

تقدم بـ أتجاه السرير وڪعد على
حافته همس خالد:- ها مرآيتي شتردين؟
:- كرستال اريد من الكرستال.
:- رحمه لأهلج شورطتي
نفسچ بـ هاي رونق؟
:- خالدد اريددد منهههه .!!
:-شبيچ يمصخمه شجييلچ منه تردين مخدرات انتِ؟
:- مادري هاي اني اريد من اخذه ارتاح هسا راسي يوجعني مادري
شبيّ أريده يلااا
خالد:- اي هسا اجيبلچ شي انتظريني.

شفته طلع وسد الباب گمت ورا بـ شويه حاولت استجمع طاقتي واروح أغسل وجهي راسي يفتر
دخلت للـ حمام شفت نفسي بـ المراية
أحمِرار عيوني ، واتساع حدقتهن شعري منتف و هالات سوداء بـ أجفاني العليا والسفلى خليت إيدي اتلمس بشرة وجهي شاحب
مَريم:- لا لا لا مو اني هاي مو اني!!!!

صرخت بصوت عالي وشلت الغسول الي عليها ورميته بـ المرايه أطشر الڪزاز
عليّ صرخت مرعوبة
من الدم الي صار عليها لحظات ودخلت وَتين ولينّ يصرخن بـ أسمي...

:- مَريم مَريم مريومه وينچ....؟
دخلت وَتين للحمام وشافتني شهڪت وسحبتني طلعتني بره واني بس ارجف
حضنتني ولينّ رڪضت جابت ميّ

وَتين:- شبيچ اولي شصايرلچ؟
شنو هذا حالچ مرايم؟
لينّ:- مريومه احد سوالچ شي منو طخچ گولي شكو ساكته !!.

يهزن بيّ واني نفس ما ضل بـ رئتي همست بتعب
:- خـ خالد أريد خالد.
وَتين:- مـ مـ منو خالد؟ هه.
لينّ:- مريم فدوة انتِ صاحيه خاف سڪرانة؟
مَريم:- گلللتتت أاااررريد خااالد

صرخت بـ أسمه وماحس غير بـ ڪف نرصع بـ وجهي من وَتين،
وڪعت على الارض مخليّ إيدي على وجهي لينّ تبچي وتصيح عليّ وَتين واڪفه ومصدومة عيونها مغوركة بـ الدموع چلبت بـ رجليها اني وکاعدة وصرخت بصوت مهضوم، مقهور، روحه محروكه.