بــقلمي:- اماني الـ احمد.
༺حَيف الديجور ༻
خليني اعلــه بالـك طيف لــو
عــادت ايامـي يعــــود
او خليني اويه دمك شوك من
شوكي البلايه احدود
لـ عريان السيد خلف
……………
«رَنين»
_نص ساعه گاعدة اني وزهراء تهمس بـ أذني تضحڪني والبنات يتراقصن دخلت بنت شقرة بس لمحتني أجت جرتني حيل من زندي وقفتني وحچت...
:- حية خو حتى شڪلچ حية شچابچ علينا خربتي حياتي الله لا يوفقچ چعلچ لا تهنيتي.
گالتها وضربتني راشدي وجرت شعري بـ قوة صرخت بـ خوف من سمعت صوت أرلاَ
رَنين:- اأأرلااااَ.....
دخل للـ صالة من باب المطبخ بس و أنصدمت من شفت وَتين ورا
وهاي جرتني تگتل بيّ عاصره زنودي وتضرب
نترتها مني وجريت شعرها بقوةودعست على مشط رجلها بـ ڪعبي
گعدت بـ الأرض متألمة نزلت لـ عدها وهمست اني وأعدل بـ ملابسها الي طلعت صدرها ورقبتها ڪُلها....
رَنين:- بنت مـحمـد أني
لا تندگين بيّ خوش؟
نزلت نظري لـ رجلها ورم مُڪان الڪعب أجتى امها عليها سحبتها برا وتصيح بوجها
:- خبله فضحتيناا احد يسوي سوايتچ.!!
_لمحت وَتين واڪفة مڪتفة إيديها ومبتسمة رحت لـ عدها وحضنتها حضنتني
بـ شغف وحنان چنت محتاجة اله همست قريب من إذني...
وَتين:- سباعية مثل ما عفتچ.
رَنين:- ترباتچ يبعدي.
:- روح أُختچ انتِ.
بعدت عنها وگعدنا على التخم اني وهيّ وعيوني متعلقة بيها أخاف دا أحلم ڪُل شوية أرفع أديها أبوسها وهيّ تعدل بـ شعري وعيونها أدمع وترجع تمسحها بعدها بـ حشمتها لابسة الحجاب كُله وفستان طويل فوقه الڪوت ابد ما تترك هـ اللبسة
همست بـ خفوت مرتاحة يمها
رَنين:-مشتاقة الچ هواااية.
وَتين:- هاا صارت بيها هواية مو چانت حيل وشكُثر؟
رَنين:- ههه هاي من وراهم.
سمعني أرلاَ گاعد على تخم يمنا هوّ وزهراء حچى
أرلاَ:- هلكد مأثرين بيچ أحنا، والله يابه ماندري.
وَتين:- أُختي ثُم أُختي ثُم أُختي ثُم الباقي عندك غيرها ما انطيك هيّ.
أرلاَ:- عيوني وأغلى وداعتچ.
وَتين:- تسلم أعرفك ما تقصر.
رَنين:- زهراء جيبي ماي لـ وَتين.
زهراء:- اي اي دقيقة.
راحت تمشي بـ خفة أبتسمت عليها وَتين
وبعدها أتصلت عليها لينّ ما أسمعها بس شڪل وَتين بارد ڪُلش
راحت مستعجلة ما شربت الماي حتى ودعتها على الباب وگالت
:- أحسن قرار بـ حياتچ هوّ
انچ وافقتي على أرلاَ.
أطمنت بعد جُملتها هاي ودخلت للـ مُطبخ أخذ ماي شفت نفس البنت الي تعارڪت معاها تبچي بـ حرگة وأمها فوقها رُمقتني
بـ نظراتها أتجاهلتها ومشيت بدت الحفلة
لبسنة الخواتم
بعد ما زهراء أخذت صورر وفيديو للـ أربع مرات
لبسناهن ونزعناهن علمود تصوير زهراء أڪلنا من الڪيك وهوّ طلع گال
أرلاَ:- أم النون شُغل أخلصه وأجي تمام.
رَنين:- الله وياك.
گرصني من خدي وطلع وبنات عماته وخالاته يباوعن
الي ما عاجبها والي تبتسم من گلبهاحرت فوق حيرتي رجعن يتراقصن شغلن دبڪة وزهراء مسكت الراس وبدت تهز وتدبچ ضحكت
فرحانة بـ تصرفاتها تدخل الگلب بشوشه حيل صفنت...
صارلي أسبوع يمهم بـ غُرفة وحدي ولا أي أحد نقص من قيمتي او ما احترمني بـ العكس عبالك من العائلة عبالك بنتهم مثل زهراء حالي هيچ يعاملوني وحتى أرلاَ ما لزم إيدي مع إنو احنا عقدنا شيخ بس ضل محكمة ..
فزيت من صفنتي على إيد جرتني وانها زهراء تريدني ادبچ وأني ولا حفلة حاصرة حتى رقص ما أعرف مسڪت إيدنا تلى واهسها
ضلينا لـ نص ساعة تقريباً تعبت وجسمي
تڪسر من الهز والدبك، صعدت لـ غُرفتي
ونمت ما حسيت لـ ثاني يوم من الصبح على طرقات الباب
بـ قوة وصوت زهراء تصيح عليّ أذكرت اليوم عقد المحكمة على السريع بدلت ولفيت شالي بعد ما فتحتلها الباب وهيّ بس تحچي ما وقفت ثانية وأني تهت أدور لـ دنابيس الشال
أنت تقرأ
حيف الديجور³
Mister / Thrillerحَيف الديجور بظلام دامس كل ماترونهُ هوَ ظُلم. سَوف تتعمقون في الآفاقِ لـ ترون كُل ماهوَ عاقِ بَشر خُلِقوا مِن طيـن يستلذوُن بـالعِقاب المُلين خُدعٌ وحيّل وأفكار شَيطانـية أرواح خَائِفة لاتَهوى الخَفية فيّ ثارً قَديـم يتجددُ الأنتقام الأليم على أياد...
