حيف الديجور³

«النـــــــهاية "

بقلمي:-أماني الـ أحمد

༺ حَـــــــيف الديجـــــــور ༻
#حَيف_النهاية

-فـي جَـوف هَـذا الحَـــيف يـوجد ديجــور قـاتم.

....................................

"عَن حال ضحاية الرُفهان"

هَل ياتُرى .. لَو مِتُّ أنسى ما جَرى ..؟!
هَل ياتُرى .. لو كان عندي غَيرَكُم ..
قَلبي إليكُم ما سَرى ..؟!
هَل ياتُرى .. يَحتاجُ مني كُرهكم ..
قَلباً قَوياً ثائِراً وَتمَرُّداً وتَجَمهُرا ..؟!!
ها قَد أفاضَت أجفُني ..
والدَمعُ منها قد جَرى ..
والدنيا ضاگت والنفس باقي اعله گد الحسرة ..
فرحان داويت الغصن .. ثاري المرض بالشجرة ..
مرت سنين من العطش مو شفتي روحي اتفطرت ..
ومتاني حبكم گطرة ..
وما گلت ليش تعذبت ..
چنت ادري اليحب من صدگ يرتاح بس بگبره ..
وصار المعارك بالحچي ..
وبين الضجيج المرتفع فرزنت منكم نبرة ..
حنيت .. گمت أكتب شعر ..
ديوان كامل بس غزل ..
كملته وانطيته لشخص لا يكتب ولا يقره ..
أمسَت جُروحي مِعطَفاً واحتَل لوني نَزفَها ..
والحُزنُ في قيثارةَ يُبكي جَماداً عزفَها ..
صارَحتُكُم بمشاعري وازداد فيكُم صَدَّها لو كان فيها كذبةً ما كانَ مِنكُم ردّها ..
مو صوچكُم طبع البشر يرتاح للي يغدره ..
لو غاب يومين الرمح يشتاگ ويفك صدره ..
وچيف انه احبكم من صدگ ..
وبروحي شايلكم عشگ ۔۔
مل غيري من عيونكم وانه بحسرة النظرة ..
وشگد اجو رادوني احب علمت گلبي وماعرَف

…………………

«عُمــر»

_كُل شخص مقـدر اله رزقه من الفـرح والحـزن ويـمكن احنا الحـزن تقدرلنـا بـطولة العمـر.

سحبت ايد رُسـل ودخلت لـلغُرفة الكُل تضرب اسهامها بيها وهيَ گدام عيـني مامسويـة شي.
مسحت دموعـها وحچيت أطمنها
عُمــر:-لاتخافين سُكرتي هَـذا الشهر ونطلع منا مانظل هيچ.

رُسـل:-وداعتك ماطخيتها انتَ تعرف بـرقية تحبك وهيَ امسوية هاي الدراما حتى خالتي فاطمـة راح تكرهنـي عُمــر.

عُمــر:-الشخص الزين والكافي خيره وشره عن الناس اكثر شخص يتأذه وياچ انـي وما اصدگ بـامي أصدگچ.

رُسـل:-امـك تعذبت خطية يجوز السبب مني انـي لا طفولة عشت ولاحتى شبابي تعبوني اهـلي.

مسحت خدها بـهدوء همست

عُمــر:-وعلي ابـن ابـي طالب اگص أيدينه ورجلينه اليدنالچ حبيبتي.