بقلمي:- أماني الـ أحمـــد
༺ حَــــــيف الديجــــــــــور ༻
من يا صوت أصيحك والصدى
يجاريك واگلك مگدرت يالتگدر بلياي
عريان السيد خلف
………………
«وَتين» "ريحان"
:- أنه الصِرت عگازة بوگت عازة تظنينّ أنگسر؟
:- يا روحي مو بقصدي هيچ أگول
بس انتِ هوايةة تأذيتي مو لأن
صديقتي وأدافع عنچ لا والله بس
ماتستاهلين الي صار والي ديصير بيچ!
ريحان:-اي وقابل جديدة هاي
المُصيبة ؏ الريحانة؟
رِهام:- لا والله بس لأن انتِ صديقتي
من الطفولة وأعرُفچ كُلش زين ماتخطين
هيچ خطوة وبالأخص انتِ وحامل.
:- شنسوي بعد قدر الله وما شاءَ فَعل.
:- بحُفظ الرحمن عمري
_غلقت الخط منها وروحي تلوب
اريد اضوگ طعم الراحة ماكوو لازم
أتعب وبدايت
حياتي احلااام شكد اطشرت بعرض الحايط.
وينها طموحاتي كلامي ووعدي لأبوية
أصير سند وما أستند اصير الكتف الثابت
الماينهز اصير القوة بمعانيها راد اصير شي
عظيم وجبير وكلشي ماصرت سنوات دراستي
راحت هِباءً منثوراَ مرحلة رابعة وماكملتها شوكت اكمل مادري؟
خليت أيدي أتلمس بطني ورجعت
أردفت بدون دموع
:- ماماتي من تكبر أريدك تحقق كلشي
ما حققته أمك اريدك تكون أقوى
منها خيوط اسحبها وينكشف
كلشي وتزيل الأقنعة وداعتك
يافصعوني على گولة أبوك...
رفعت راسي للسما ظلمة بشدة وبس أضوية الحديقة
تسودها نص ساعة بنفس حالتي
گاعدة ؏ كرسي وأستنشق هوا
نقي من أنفاس المُخادعين المحُتالين.
بخطوات بطيئة تتراجف بكل عضو
فيها تقدمت لعندي لينّ وگعدت
تحتي بالأرض وخلت راسها بحضني
وهمست بخفوت متعالي بشهكاتها.
لينّ:- أني والله خفت عليج انتِ
كلشي بحياتنه كلشي وَتين وماحچيتي
النا عن كل الي ديصير بيچ؟
تنهدت بضيق متذكرة الليلة الماضية.....
بعد كُل الصُراخ الي رج البيت، التفَت
على مَريم يمها ليّن تمسح بيها وهي مجنونة تضرب براسها،
أخوية حسين يهز بجسمه بطريقة مُريبة ويرجف بشكل مو طبيعي،
رَنين الي فاقدة الوعي بجانب باب الصالة وعمي حسين ينظر النا بنظرات شفقة خالية من الرحمة
أنت تقرأ
حيف الديجور³
Misterio / Suspensoحَيف الديجور بظلام دامس كل ماترونهُ هوَ ظُلم. سَوف تتعمقون في الآفاقِ لـ ترون كُل ماهوَ عاقِ بَشر خُلِقوا مِن طيـن يستلذوُن بـالعِقاب المُلين خُدعٌ وحيّل وأفكار شَيطانـية أرواح خَائِفة لاتَهوى الخَفية فيّ ثارً قَديـم يتجددُ الأنتقام الأليم على أياد...
