حيف الديجور³

"الحَيف الثالث "❄

بـقلمي:-أماني الـ أحمد

༺ حَـــــــيف الديجـــــــور ༻

- وأرىَ فيّ بوُبؤُ عينايّ حقيقةً كادوا أن يخفُوها عني.

............................................................

«وتين»

.. وصلنه بيت خالتي استقبلتنه وتضحك باست البنات واجت يمي حضنتها وابجي بكل قهر كلبي وضيمه واحس رجعتلي امي بجت وهي تهدي بيه ...

:-خاله تعبتتت يخاله يخاله
كويني بحيلج من بعد امي تره
خلك الله تكسر الاوادم ...

:-يعمري اسم الله شبيج معرفتج
هيج ضعيفه اشش اش يروحي اش
لاتكطعين كلبنه عليج وين وتين القويه وينهاا..

.دخلتني تهدي بيه كعدنه بالغرفه والبنات من شافني كابلني يبجن طلعت خاله جابت مي النه وشربتني

مر اسبوع هيج واحنه يمها و اني صاير حيلي يرجف تمددت بالكاع ونمت فزيت على صوت رنين تكعدني ..

:-وتين خاله دكول خل تكعد
تتعشى ميصير اضل بلا اكل ...

:-ايي ...الساعه بيش ..

:- يمكن الساعه 9 ونص اني
رايح اخابر حسين اطمنه
صارلنه شكد هنا وميندل ....

:-تمام ..

_راحت غمضت دقايق واحس ايد اتخلت على فروة شعري وصوت همساتها الدافيه تمددت على رجليها وهي تقره على راسيي اخر شي خلصت كالت ...

:- وتين كومي تعشي
عندي حجي وياج ...

:-مالي نفس خاله...

:- مايصير اضلين هيج
عمري لازم تاكلين ....

:- هساا كايمه اكل بس شتحجين
وياي بخصوص شنو ..؟؟

:-دراستجن خوما اضلن هيج ميصير يابنتي الدراسه والوظيفة سلاحجن باجر بالمستقبل شوفي خالتج لان مادارسه شلون تره الكل اتمر بضغوطات ومشاكل عائليه ونفسيه وجسديا وحتى زوجيه بس هذا الشي ما يعني انو هاهي خلص بعد

مانكمل لازم نتحمل ونستمر ونصبر تعرفين
شكال الرسول( صلى الله عليه وسلم ) عن
الصبرقال -: (إذا أحبَّ اللَّهُ قومًا ابتلاهم فمن صبرَ فلَهُ الصَّبرُ) .... قال تعالى: {إنّ اللهَ مَعَ الصَّابِرينَ}

وبعدها : {وَاللّهُ يُحِبُّ الصّابِرِينَ} لذلك اكلج وتين اصبري اصبري كل هاي الآيات نزلت لان الله سبحانه وتعالى يعرف شحيصير بالعبد وشكد راح ينظلم

:- مكدر خاله ...

:-لادكولين مكدر لا تخلينها بقاموسج
دربالج دائما تحدي ذاتج تحديها هاي
النفس والصوت الداخلي الي يكلج
ماتكدرين وتعبتي لا تسمعين هذا
الصوت اسمعي صوت كلبج الي
يدليج على الطريق الصح ..