حيف الديجور³

"الحَيف الثالث عَشر" ❄

بـقلمي:- أماني الـ أحمـــد.

༺ حَـــــيف الديـــــــجور³ ༻

اليه بڪَـل گلب مَتعوب تذكار

عريان السيد خلف

...............

«زينب»

_طلعت من الكلية تعبانة وحتى
اكل ماماكله من الصبح شمس الربيع تضرب بوجهي شكد حاره اليوم،
وڪفت انتظر حيدر شويه
واجاني بلبسه الأسود وهالات عينه نفس لبسه
عيونه مورمة من السهر والتدخين ركبت من گدام يمه سلمت عليّ أبتسم بوجهي وگرص خدي
سئلني شلون الدوام وإذا احد معترض طريقي محتاجة شي جاوبته بالنفي،
من وصلنا البيت نزلت هوّ راح صفها بالڪراج دخلت للبيت
هدوء والكئابة مغيمة بيّ،

حتى الأضواء طافية دخلت رميت
جنطتي الصغيرة ؏ الميز بـ الصالة رحت للمُطبخ أخذت بطل ماي من الثلاجة شافني حَيدر وڪف شويه يمي وصعد ؏ غُرفته،
شربت وأخذت الجنطة
وطلعت لـ غُرفتي فتحت الأضوية رحت غسلت وبدلت وگعدت شويه ؏ الموبايل وصيت على أڪل دگت الباب هومة دخلت وبيدها الاڪل
گالت

:- وصل الأڪل ماما وماغدت
أزعجكِ رتبته الكِ هوني.

أشرت ؏ الصينيه غمضت بعيوني وهمست

:-شڪراً هومي انتِ الوحيدة البقيتي الي ڪُلهم راحو.

حضنتني بچيت محتضنتها حچت
هومة:- لا دادا لاتحڪي
هيك أمكِ مغيضة لو مامغيضة كن بقت يمكِ.
_أبتعدت ماسحة دموعي هيّ هم طلعت.

من وفاة بابا بليلة يُناير
حياتنا تغيرررت حيل تغيرررت ماما صار بيها سرطان ولازم تروح لـ ألمانيا حتى تتعالج
ومن هناك تنتقل لـ تُرڪيا جلسات علاجها ماتخلص بسرعة.
تخرجت بس ولا عبالك
البارحة چان تخرجي گعدت من الصبح ڪ أي يوم عادي بدلت مثل ڪُل مرة وطلعت دُفعتي لابسة أسود
لبست نفسهم وقبعة التخرج رفعوها
بنص الساحة والتصوير  بس أني دايخة وتفڪيري مشوش مارفعتها
ضليت جامدة لا أحرك ايد ولا رجل بس
عدسة عيني تتجول ؏ الناس الي أمها جاية وياها وألي أخوها وألي أبوها أحسدهم بشدة حيل محتاجة لأهلي وين صفيت بدونهم
"مو چنا عائلة ينحسد عليها شو صرنه نحسد الناس ؏ عوائلهم ".

ڪرار معتزل بغرفته من يوم راد يطلع لـ بغداد
علمود شغلة ماندري شنو هيّ ماما چانت ماقابلة عليها،
حَيدر ما أهتم لـ ڪلام أمي راح ومن عرف بيها مريصة
بـ سرطان رجع بس مالگاها طلعت للخارج مالحگ عليها

و رَفل تروح للدوام وترجع طبيعي،
ڪريم من أخر مرة راسلني بيوم وفاة بابا علمود صوري بعد ما أعرف عنه شي.