في وسط الظلام

البارت لـ 3

بسم الله الرحمن الرحيم..

لنْ تذْرِفَ الدنيا لأجلِكَ دمعةً
كلا، ولا القمرانِ حين تموتُ

ولئنْ بكَوْكَ فما يفيدُ بكاؤهُم؟
سِيَّانِ نَوْحَةُ نائِحٍ وسُكوتُ

هيَ فرصةٌ هذي الحياةُ، وإنّها
لا ترجِعُ الأعمارُ حين تفوتُ
=================
خَوَتِ الدِّيَارُ مِنَ الأَحِبَّةِ كُلِّهِم
أَوَّاهُ مَا أَقسَى الدِّيَارَ الخَاوِيَةْ
شَطَرُوا فُؤَادَ مُحِبِّهِم بِفِرَاقِهِم
رَحَلُوا، وَقَد صَحِبُوا عُيُونِي بَاكِيَةْ

لاتنسون النجمه والتعليق الحلو 🌿✨...
ــــــــــــــــــــــــــــــــــــــــــــــــــــــــــــــــــــــــــــــ
وتين...

رمى طلقة على ايمن مااجت بي مرت من جنبه حمدت الله ودموعي تصب ومبين حسين مو بوعيه دفره ايمن ووكع طاح السلاح وركض مصطفى اخذه من الارض قبل ميرجع يكوم وياخذه اتقربت بخطوات بطيئه على ايمن خوفي عليّ غلب خجلي من اهلي.. وصلت يمه همست..

وتين: انتَ بخير؟

ايمن: بخير لاتخافين طبي جوه بسرعه تينه

فعلاً سمعت كلامه ودخلت جوه رجعت يم آلماسه رفعتلي حواجبها ضحكت وكلت

وتين: اويي لاتباعين هيج

آلماسه: مااقصد شي قصدي على اخوج شجابه؟

وتين: صدك نسيت المن رجع وبابا تركنه
بسببه دمعت عيوني بذكره

آلماسه: ليش تبجين؟ اعرف بابا غالي علينا بس اتعلمي لاتبجين واكو حيايه بالبيت ترا سودنتيني

وتين: لاتصيحين هاهيه سكتت وماابجي بعد

آلماسه: عود انتِ الجبيره وتعلميني

قاطعتها:
وتين: تالي تعلميني

آلماسه: وفرحانه يحضي امدانيي

تحجي بحرگه اختي صح حساسه بس قويه وابد ماتحب تبجي كدام احد والصراحه احب هذا الطبع بيها.. كملت شغلي وطلعت اشوف شلون صفت بينهم والصدمني لسه بمكانهم اتقربت واشوف آلماسه تتعارك ويا حسين..

آلماسه: اطلع برا بيتنا لا بارك الله بيك وعساها حوبتنا تطلع بيك ياحسين بحق عزيز الزهره كونك ماتشوف الفرح بيوم

حسين: انجبي لج وحق بيت الله ماخلي عظم بيج صاحي

اتقرب راد يضربها ودفعه ايمن من صدره بس مايحجي شي ولايتدخل وهذا طبعه اذا الحديث ميخصه ميدتخل ابد...

آلماسه: مو خايفه منك لاتغرك انوثتي وعلي ابن ابي طالب وكت الصدك اعبر مراجلك اني مو فلانه واسكتلك