في وسط الظلام

البارت لـ 7

سم الله الرحمن الرحيم..

اريد ارَتاح
لو ليلة
ياهو اليخسر حجاية
وايكلي شبيك
وحجيله
ياهو اليشتهي عيوني
وافرغ ضيمي وابجيله

لاتنسون النجمه والتعليق الحلو

بحفظ الرحمن ✨🌿..

ــــــــــــــــــــــــــــــــــــــــــــــــــــــــــــــــــــــــــ
ــ كالتها واتقدمت عليه رجعت ليورى اردد.. ياعلي ياعلي احرسناا اتخبلت بالزايد وكعت بالكاع تكطع بشعرها سلام وخاله مايتحركون ابدد رجعت ارد ايات واصيح ياعلي..

صارت تصرخ بالكاع وسلام وخاله واخيرًا اتحركو اجت خاله عليه..

كريمه: انتِ زينه؟

رياحين: خاله شدايصير راح اتخبل شنو هاي شبي سلام

صارت تقره ايات وادعيه وسميره تتسودن بالزايد اما سلام يعصر بعيونه مادري شبي سكنت حركتها وسلام رجع اتحرك طبيعي طلعها برا وانا مامستوعبه شنو يصير بليلتها عقل ماضل براسي صرت ارجف من الخوف..

سلام: هاي سميره جانت تسويلج شي؟

رياحين: لا ابدد انا بس بليل ابات ومن الصبح اطلع..

كريمه: غريب ماضنها تعوفج بعد

سلام: جاا انتِ تخوفيها لو تطمنيها البت راحت تموت باچي

رياحين: اريد انام

سلام: امشي يا نوم امشي نكمل

رياحين: ماريد ماريد عوفوني

كريمه: عوفها ترتاح يمه

هز راسه متفهم وطلع حسيت نفسي بفلم مو راضيه اصدك الشفته اتمددت بفراشي ارجف من الخوف مااكدر استوعب نمت بنص الرعب العشته بيومها...

نفسيتي تعبت كلش غرفتي مااطلع منها ابد وخاله تجيبلي الاكل بس مالي نفس بي خايفه يرجع يصير وياي هيج شي مرا ثانيه..

سلام مايجي هواي على كد السلام ويطمن علينه ويروح سألت خاله كالت متزوج وحاير بمرته دعيتله بالخير والسعادة يستاهل لان ماكو اي شخص بالعالم مستعد يخطي هيج خطوه ويساعد بنيه مايعرفها..

سلام شخص ماكو منه طلعني من الضيم العايشته ويا سميره انطاني اهتمام وعبالك بنته منو يصدك بنية مايعرفه يربطها بأسمه هلشي وحده اشوفه شي عظيم بين هاي افكاري دك الباب سمحتله بالدخول..

سلام: شلونج ريحانه

رياحين: زينه، الف مبروك

سلام: الله يبارك بيج شلون صرتي

رياحين: زينه الحمدلله

سلام: ضل بالي يمج ليش متاكلين؟

رياحين: ليش هيج تسوي؟