في وسط الظلام

البارت لـ 5

بسم الله الرحمن الرحيم.. 🌿

عيّش وحدك
لو شِفت ناسّك بِعيده
صّير غالي المايريدك لاتِريده .

النجمه والتعليق الحلو لاتنسون 🥹✨🌿..

ـــــــــــــــــــــــــــــــــــــــــــــــــــــــــــــــــــــــــــــــ

آلماسه..

كاعده افكر شسوي وشلون بيه ماما داتسوء حالتها واخواني مختفين ومحسبه حساب ايمن ينسحب لازم اعرف شلون اتصرف! نفضت هاي الافكار من راسي وكمت اكمل مراجعه بالحديقه..

امشي وعيني بالكتاب احب الكتب الملازم بس وقت الفاينل اشوفهم رغم كتابي مو يم الماده ابد بس ينطيني كم معلومه تخص الموضوع..

رفعت راسي والصدمهه شخص ملثم قريب على ساندي والقرب فضيع منو هذا؟ انتبهت بيده سلاح عرفته مو امجد..

صرت ادور بعيوني على شي راحت عيني على خشبه طويله وسميكه شلتها واتقربت بهدوء قاتل اشرت لـ ساندي ماتبين اني موجوده ضربته بكل قوتي على راسه لزم راسه متألم شلت السلاح بسرعه وانطيت الخشبه لـ ساندي

آلماسه: انتِ بخير؟

ساندي: اي لاتخافين

وجهت السلاح عليّ وحجيت بحده
آلماسه: منو انت وشعندك ببيتنا والمن جاي

بعده واكع بالكاع همستلي ساندي

ساندي: خاف مات؟

آلماسه: شفتي عار مات؟

ساندي: لعد شبي مايحجي ولايتحرك

آلماسه: يمكن فقد وعيه اني واكفه هنا اركضي صيحي احد من الولد ابوج ايمن اي واحد

صدك راحت ساندي وبقيت مترقبه حركه منه بعدني موجهه السلام عليّ ماحس غير شال تراب من الحديقه وشمره بوجهي طب بعيوني ماكدرت وكع السلاح من ايدي اخذه وانهزم..

شافه ايمن ركض وراه هوَ وعمي اجت وتين ترش مي بارد على عيوني واخيرًا كدرت افتح عيني..

وتين: آلماستي بيج شي؟

آلماسه: لا كلبي لاتخافون بس ساندي وين؟

وتين: داخت كتلها تكعد خاف ضغطها نزل من الخوف

آلماسه: خوما بيبي وماما عرفو؟

وتين: لا محد عرف

آلماسه: امشينا للكامرات

وتين: ليش ماتدرين عطلانات!

آلماسه: لحظه شوكت عطله قبل يومين مابيهن شي؟

وتين: مادري قبل شويه عمو كال اريد ابدلهن

سكتت افكر معقوله هوَ ورا هاي السالفه ويمكن سوه هيج علمود يبناع البيت بسرعه لو اكو شي ثاني...