في وسط الظلام

البارت لـ 14

بسم الله الرحمن الرحيم..

حبايب گلبي لاتنسون النجمه والتعليق الحلو..

بحفظ الرحمن حبيبات

************
كُل مَرة أتوّب وأرجع أتِندم ،
افُضها شَلون ويَّ روّحي ؟
" وتبطِل بيّك ما تَحلم ..
*************
ـــــــــــــــــــــــــــــــــــــــــــــــــــــــــــــــــــــــ
"بيت محمود"

عياط، بجي، كره، حب، انتقام، سوء فهم، عدم الاهتمام، معصيه، ذني كلهن انجمعن بينا مو بيت انكلب بعد الصار شكد نحاول نهدي الوضع بس جاي يصير اسوء مجاي افهم ليش جاي يسون هيج يعني شنو الغايه ابوي بس جاي يعقد الوضع لا اكثر جاي يطشرنا عجزت افهم شيريد..

ومحد واكع بيها غيرنا تدرون الصعبه وين؟ عشنه طول هاي السنين مانعرف حبه النه حقيقي او لا يريدنا فعلاً لو هم عنده غايه..

جنت متوقعه حبه واهتمامه النا على الفطره بس جنت غلطانه الدلال والاهتمام ما اجن من عبث طلع يريد ياخذ ارواحنا بالمقابل بس ليش؟

الكل خايف من رد فعله الا اخواني مصرين يكملون البدو بي عود جماعته لا يمهم ولا هاي يرجفون من رد فعله اذا عرف بالصار الكل كاعد ومنتظر العاصفه اما ايهاب فـ وجهه محتقن بعد الصار، طب ابوي يرعد هل مره..

محمود: ابننن الكلببببب تلعببب من ورايييي

ايهاب: لاتصيحح تريد تغركناا بالحرامم خااف الله يااا سيددد

رخه ملامحه وكمل بهدوء
محمود: اي حبيبي وشنو سويت

ايهاب: الصح

دار وجهه لـ علي
محمود: انتَ خليت فكرة العقد براسه مو؟

راد يحجي علي قاطعه مراد
مراد: ليش احسن نخلي اختنه تروح لواحد مايخاف الله بس اهم شي يكملك شغلك؟

فز علي مصدوم
علي: شنووو

كمل بنفس الهدوء
ايهاب: انا واثق من السويته مستحيل اسمح لـ اختي تتزوج غصب نور ساومتنه بيها بس فواطم على كص نحري ينعاد الصار وياها

ابتسم ابتسامه جانبيه
محمود: هممم خطوه جريئه بابا تعقد لاختك بدون علمي وتريد تعقد على بت ميلاء هم بس بشرني قبلت؟

ايهاب: طبعاً تصرفي غلط شتتوقع؟

وكف على طوله
محمود: عقوبة هاي الخطوه الحلوه كلكم شكو شي تملكو جان وصار وبقى الي واذا ما تجيبها لدربك بهاي الـ 10 ايام امك تنذبح كدام عينك وتعرفني اسويها

التفت يروح وكأن اتذكر شي ورجع يكمل
محمود: وهاا شي ثاني الك يومين ماريد اشوفكم بهذا البيت بعد ماتملك غير البيت ذاك عود روحوله احبكم ولدي