في وسط الظلام

البارت لـ 11

بسم الله الرحمن الرحيم..

لاتنسون النجمه والتعليق الحلو..

بحفظ الرحمن بنيات🎀💗.

لا يَخدعُكَ هَذا الزِحامَ حَولي فَـ لا أحدً بالداخل .

ــــــــــــــــــــــــــــــــــــــــــــــــــــــــــــــــــــــ
ساندي..

عيوني انترست دموع وهوَ ولا مهتملي ولا عبالك موجوده منزل عيونه عني يحسب بالفلوس الي كدامه صفنت على حالي شنو جاي اسوي بـ نفسي؟ ليش اجيته واني ماريده؟

معقوله اني انانيه لهل الدرجه جايته بس حتى اسد الفراغ البداخلي متجاهله مشاعره جايه ادور ملجأ بغض النظر عن الاشخاص شنو جاي اسوي بـ روحي جاي ادمر نفسي لا اكثر!!

وين اهلي؟ ابويه الي كل همه الفلوس والبيت ولا معبرني او حتى معترف بيه؟  او امي الي مشوفتني جهنم على ارض الواقع او اخويه الي صار سنين مشايفته ولا سأل او كال اهلي خواتي او اختي من اتزوجت لسه ما محاجيتني حرام اسميهم اهل..

طلعت وعيوني متروسه عتب بس عتب على شنو؟ كله غلطي جان خيمه فوك راسي واني وكعت عامودها كلشي يصير بيه من ايدي واستاهل امجد شخص نادر مابي نقص بس النقص بروحي اني..

آلماسه صديقتي واختي وامي وينها عني؟ يا ترا بعد ماترجع او عدها شي ثاني؟ زين راح ترجع تهتم بيه وتحبني لو زعلت على زعل اختها؟

صارت هوسة افكار بـ راسي لكيت نفسي امشي بـ شوارع فارغه انتبهت على الساعه صار ثلاث ساعات برا البيت يعني راح تدفني من ارجع..

و مثل ماتوقعت كاعده بالحديقه منتظرتني طبيت بدون مااحجي دموعي تفسر وضعي شمرت الملزمه على مرجوحة آلماسه ماحس غير اجه الكلاص الكزاز براسي اتكسر و وياه الدم يصب ماحجيت شي..

لزمت راسي بألم نزلت ايدي متروسه دم فوك كل هذا اجت لزمتني من شعري تصيح بعلو صوتها..

ــ يااا عااايييقه وييننن جنتييي لسهههه

مارديت عليها رجعت ضربتني من وجع كلبي ماحس بشي ملتزمه الصمت..

ــ ويااامنن جنتييي لججج تحجينن لووو احركججج

دخت كلش اثر الضربه هم مارديت، سحلتني وياها للمطبخ البيت فارغ وتصيح بكيفها ومحد يسمعها والعجيب وين راحو؟..

جابت الجداحه وشعلت اطراف فستاني اشوفه يحترك بس النار البكلبي اضعاف الي بـ فستاني
بدت تطفى النار اتخبلت من شافتها طفت راحت تدور على شي كعدت بنص المطبخ دموعي تجري عاجزه اسوي شي..

جابت نفط من المولد الطاقه تصب على فستاني واني ماحاولت حتى ادافع عن نفسي مستسلمه ورايده الموت بي مابي..