في وسط الظلام

البارت لـ 15

بسم الله الرحمن الرحيم..

لاتنسون التصويت والتعليق الحلو
متابعه للحساب جوهراتي

قراءه مُمتعه حبايب..
**************
‏إنِّي صبورٌ على دهري وما فيهِ
أُكفكفُ الدمعَ من عيني وأُخفيهِ
أُحاربُ اليأسَ بالآمالِ في جلَدٍ
وأسألُ اللهَ عنِّي أن يُجافيهِ".
***************

ــــــــــــــــــــــــــــــــــــــــــــــــــــــــــــــــــــ

"هيلان"

ــ هيلااااااااااااان ويننجججججج

ــ خربببب ماكووو غيررر صخمانننن عوفونييي

ــ تعايي لججج عدنه كووومه شغللل هم يلاااا نلحككك

ــ والله انطرشتتت خربب غيرتكمم

ــ صباح الخير هيلانه

ــ صباح النور عود

ــ ترحين لعرس مهند صح؟

ــ وانا اكدر اكول لا؟

ــ ولجج هيلااااااننن

ــ خربب وخريي من وجهيي امجج خبصتنيي

شديت الشال براسي وشلت ثوبي وماسولفلكم بديت اجلف بالبيت استغليت طلعت الولد من البيت واخذت راحتي ماخليت شي يعتب عليه اييي عيني اييي هيَ هاي حياة البنت الجبيره امداه حظي كلشي براسي لا اخوان احتاج مساعده صخامم تعبت بالعباااس..

كملت السبحه من كعدو جهالي لا مو جانت ناقصه دكليها هيلان الكل طالع من البيت يجهزون نفسهم لعرس مهند ابن عمي هسه هوَ المعرس بناتنه شبيهن صدك من كالو العرسان ثنين والمجانين الفين ماجذب المثل ابد...

انا سابحه بالمي وذوله يبجون فوك راسي لو ما خطيه واخاف الله جان موتتهم سطروني سطر خرب وكتها كلهن سوه يطلعن امي ومرت اخويه واختي الاصغر مني بشويه لا جذب مو شويه بهوايييييييي بيناتنه 6 سنوات اي حبي لحد يستغرب انا اكبر اخواني ولد وبنات..

عندي ثنين اخوان واحد شهيد والثاني ماصارله هواي متزوج تقريب سنتين اخوي الشهيد اكبر مني بس من استشهد انا صرت اكبرهم يعني المسؤوليه براسي..

وائل اخوي الشهيد متزوج وعنده اربع اطفال بعد وفاته بـ سنه زوجته تركت اطفالها ورجعت تكمل حياتها يم اهلها اخذت بس الولد الجبير والباقي عافتهم احنا نربيهم على طلب منها طبعاً بقت بنوته وثنين ولد نذرت عمري الهم تركت كلشي علمودهم احبهم وكأنهم اطفالي الحقيقين حاليًا اي شخص يسألني اكول ذوله جهالي..

مستحيل تتخيلون الحب الشايلته بكلبي الهم محد اهتم بيهم ورباهم غيري لان امي متكدر مره جبيره وعدها ضغط وسكر هيَ تريد واحد يداريها مو ترجع تربي اطفال..