في وسط الظلام

البارت لـ 10

الله الرحمن الرحيم..
لاتنسون النجمه والتعليق الحلو..
.
.
.
اذا صار المواصل كُوه ماريد
المحنه البيها ذله اشلع جذرهِا
نكاط المغذي بَسديه الموت
عمت عيني عليمن مُنتظرها
.
.
.
قراءه مُمتعه حبايب..

ــــــــــــــــــــــــــــــــــــــــــــــــــــــــــــــــــــ

نور..

بعد كلامه اتأكدت عندن وحده لا و يحبها و يريد يروحلها جاا وانا؟ المن اخذني اذا يريدها؟ يعني اهماله الي بسبب حُبه الها؟ ضربت بـ راسي هاي الافكار صارت فكره تجيبني و فكره توديني رجعت لـ غرفتي..

على أثر القهر كملت نومتي لـ الصبح هاي اول مره انقهر هيج مو احبه او احمل مشاعر اتجاها بس مااتحمل اشوف احد ما محترم وجودي..

كعدت وقت الظهر تقريباً اخذت ملابسي ورحت لـ الحمام احاول اتناسى بس كلماته ترن براسي، طبعاً الجوع هوَ الوحيد الي نساني الموضوع..

نزلت لـ المطبخ اريد اكل و صادفته موجود مبين هستوه جاي كاعد على الطاوله و منزل راسه بين اديه شكله غريب ما استبعدت شارب وجاي، بدون ماحجي شي طلعت الجبن و ناويه ارجع لـ غرفتي سحبني من ايدي لـ صدره..

نور: هدني سلام

سلام: كافي عاد گلب لو شنو عندج

نور: وخر سلام انتَ مو بوعيك

سلام: ما وخر ابقي يمي

نور: هدني اول و ابقى يمك

ولا كأنه يسمعني يشدني اله اكثر دفعته بس مو قوي لان جسمي يرجف مابيه طاقه..

سلام: لا تبعديني عنج

نور: ماريد افهم

عيونه صارت حمر اثر العصبيه من كلمتي
سلام: صوت ما اسمعلج

نور: يا اخي انتَ شارب صرت اميزك من تشرب

عصر عيونه حيل وفتح شعري
سلام: شعرج حلو و هوَ مبلل

نور: الله يخليك عوفني

سلام: اشش كافي چفه نوره

قيد حركتي و يشم بـ شعري رغم هوَ مو بـوعيه بس لمساته ما بيها همجيه بالعكس جان هادء غمضت عيني من باسني انطي فرصه بس رأسًا اتذكرت كلامه دفعته بكل قوتي..

نور: حقير والله العظيم تحلم انطيك نفسي ياا خاين متستاهلل

بس حجيت هيج انكلب انسان ثاني لا لا مو انسان انكلب وحش بعد مايشوف كدامه صوتي راح كد ماصيحت بس هيهات يتحرك مستمر بـ أجرامه من كمية الضغط غوشت عيوني و وكعت...

مادري شكد مر وقت صحيت انا بـ غرفتي و ملابسي متغيره و شعري ينكط مي اما هوَ فـ ماكو بـ الغرفه الم ببطني فضيع كمت اصيح من الالم اجه على صوتي..