في وسط الظلام

البارت لـ 13

بسم الله الرحمن الرحيم..

حبايب گلبي لاتنسون النجمه والتعليق الحلو..

بحفظ الرحمن بنيات.

قراءه مُمتعه ☆..

♡♡♡♡♡♡♡♡♡♡

‏"أسِيرُ ولَستُ أعلَمُ أينَ أمضي
غَريبَ الدَّارِ قد ضَيَّعتُ بعضِي"..✨

ــــــــــــــــــــــــــــــــــــــــــــــــــــــــــــــــــــ

رياحين...

دائماً اكول انُ مُستحيل اكو انسان قوي من كاعه لازم يمر بأوقات تجبره يكون قوي من اشد مراحل الضعف الى اشد مراحل القوه والصلابه واليوم شهدت عيني هذا الشي..

سلام من الاشخاص الي دائماً يكونون غامضين شكد ماحجى عن حياته تلكون بعد اشياء ممفهومه أحياناً يكول شي تفكروه تافه بس بالعكس اله معنى چبير بحياته هذا الشي التافه تارك اثر عميق بروحه هواي خاله حجتلي عنه لاكن اشوف بعد مافهمته انسان صعب ينفهم..

تفكيره حلو واسلوبه احلى يحب يساعد الكُل وابد مايرد الي يطلبه عيبه الوحيد يشرب بكثره بس غيرها أبداً والغريب بالموضوع يصلي وملتزم بس ليش يشرب؟

بهاي الفتره احتاجيت اعرفهم اكثر والى الان كلام مؤمل براسي، ماحاجيته بعد ابد لان اشوف هذا الشي غلط وخيانه لـ سلام كاعده ببيته واحاجي واحد غريب شهل صلافه؟

الفتره المرت روتين يومي مُعتاد اكل نوم شغل فقط بس بيوم الي اجه سلام اتغير هذا الشي، جان كاعد برا ويدخن صافن بالفراغ قررت اخفف عنه ولو بكم كلمه حلوه...

رياحين: هلو سلوم

ابتسم ورد
سلام: هلا بـ ريحان

رياحين: شخبارك امورك احوالك صحتك

سلام: بنعمة الله

رياحين: شبيك ضايج شدعوه هيج ملامحك مخيمه

سلام: انسي لاتهتمين

رياحين: شلون مااهتم!  انتَ طلعتني من بحر الظلام لـ نور الحياة يعني هيج متثق بيه وتحجيلي شصاير وياك على الاقل احاول ارد نص دينك!

سلام: رياحين لاتحجين هيج انا مجرد وسيله مساعده، و لو ماثق بيج ماكعدتج بنص بيتي وبين اهلي

رياحين: جا احجيلي شبيك

اتنهد بقهر
سلام: نور ماجانت تريدني وهسه كرهتني اكثر

رياحين: شنو السبب؟

سلام: زواجنه اتفاق لا اكثر

رياحين: وضحلي اكثر

سلام: انا ربيت عند ابوها بس هيَ ماعاشت وياه عاشت عد ناس مايخافون الله و اتزوجتها على طلبه كلشي جان سريع بالبدايه استغربت شلون وافقت وماحست بس طلعت فاهمه ومطنشره ما اتقربتلها اول فتره حتى تتعود عليّ اكثر صار عندي شغل  جبرني اهملها لحد البارحه من الضغط الصار كثرت بالشرب واخذتها بأبشع طريقه..