بسم الله الرحمن الرحيم..
لاتنسون التصويت والتعليق الحلو..
قراءه مُمتعه جواهر
* * * * *
ليَهمك حجِي النُاس
ركَز بيه بس وحُدي
محد مثلي بيك يموت
لا قِبلي ولا بِعدي
اواجه كُلشي انِا وياك
لو كَل شي ضـَدي .
* * * * *
ــــــــــــــــــــــــــــــــــــــــــــــــــــــــــــــــــــــ
"بيت محمود"..
الوضع جاي يصير اسوء والحزن يعم بـ البيت كلشي مخربط و مو واضح بيت عباره عن الغاز ماكو شي مفهوم كلمن يصيح يا روحي وانه باقيه مثل الاطرش بـ الزفه..
ايهاب مايحجي شي بـ خصوص خطوبته وشصار بيها يكول فرحان بيها بس وجهه يحجي العكس الحزن مغيم على ملامحه واعرف بسبب امي لان مايعرف شي عنها مجبور يسوي كلشي يطلبه ابويه وهوَ مايقبل يطب بـ الحرام..
بـ النسبه لـ مؤمل مقهور على رياحين صاير كلش لايحجي ولا يشارك بـ حديث ولا يتشاقه ابد ابد كل ما افوت منه اشوفه يباوع بـ صورتها لو يتصل واستغرب منين جاب صورها؟
ابويه مخلصها تخطيط بس ماعرف المن بس متأكده الي جاي يسوي جبير واكيد يخص ميلاء و آلماسه لان ماعنده سالفه غير هذول المساكين ومحد واكع بيها غير ايهاب خرب بـ حظك ياخويه شبيدي عليك يابعد روحي حظك المصخم وكعك بـ هاي المصيبه..
كلمن كاعد بـ غرفته كملت شغلي ورحت رتبت نفسي وطلعت بـ وجهي لـ غرفة علي صار شكد ما حاجين مثل الاوادم طرقت الباب...
علي: اتفضل
فواطم: احم شلونك
اتوسعت ابتسامته
علي: هلا بـ دم روحي مشتاقلج
حضنته وكعدت بصفه
فواطم: صاير ماتنشاف خاف مليت مني
علي: امل من ابوج وما امل منج بس ضغط شغل
فواطم: اممم، زين شصار ما صار
علي: على شنو؟
فواطم: سالفة ايهاب
علي: على اساس عود يفكرون بس صدمونا
فواطم: شصار؟
علي: وافقو بـ نفس الوقت
فواطم: شنو هاي اكو شي غلط
علي: حتى انا كلت بس ايهاب كال لا
فواطم: شلون يعني
علي: يكول يمكن تحبني ومن هذا الحجي
فواطم: وابويه ما علق؟
علي: لا بـ العكس فرحان راح تتم خطته
فواطم: احس راح تنكلب عليّ
علي: انا هم هيج افكر
فواطم: يستاهلون الي تسوي بيهم
علي: بس ايهاب مايستاهل
أنت تقرأ
في وسط الظلام
Mystery / Thrillerفيّ وسَط الظلام هُنالكَ نورً يتوهجٍ حُبًا جميلةً ذات العيون الزرقاء تبحث عن الامان تبحث عن الملاذ من الخوف رقيقةً القلب قويةِ المظهر حنونة وقاسية غاليةً الثمن تشرق لكي تُنير من حولها لتجد نفسها غارقة في ظلام ابدي
