في وسط الظلام

البارت لـ 8

بسم الله الرحمن الرحيم..

‌‎بيني وبينكَ أميالٌ تُباعِدُنا
والروحُ يا مُنيتي بالروحِ تَتَّصِلُ.
لَنْ تَستطِيعَ سنينُ البُعْد تَمنعُنا
إنْ القلوبَ بِرغُمٍ البُعدِ تتّصل
لا القَلَبُ يّنسى حَبيباً كَان يَعْشقُهُ
ولا النُّجومُ عنِ الأفْلاكِ تَنْفصلُ..

اذا عجبكم لاتنسون النجمه والتعليق الحلو حبايب..

بحفظ الرحمن ✨🌿..

ــــــــــــــــــــــــــــــــــــــــــــــــــــــــــــــــــــــــــــــ

آلماسه...

كعدت كُلي نشاط وناويه اطبق اخر جزء من خطتي مابقى شي واوصل لـ اريده ابتسمت راضيه عن الي اسويه قاطع هوسة افكاري صوت ملاذ..

ملاذ: صباح الخير جميلتنا

آلماسه: صباح النور گلبي، بشري؟

ملاذ: بابا وافق وكال شوكت ماتريد تجي تاخذهم

آلماسه: تكدرين انتِ تجيبيهن؟

ملاذ: ماشي حبيبتي

آلماسه: اني رايحه بعدين نحجي

ملاذ: لحظه وين

آلماسه: بعدين احجيلج باي باي

تركتها ورحت غيرت ملابسي على السريع وطلعت احجي ويا نفسي..
ــ ياربي سهل عليّ الداسوي مو سهل يارب شيل الخوف من كلبي بحق عزيز الزهره...

طلعت بوجهي لـ بيت المره بقيت افكر بـ سالفة البيت و كلبي دمام  وصلت قريب من البيت سميت وطرقت على الباب ماطولت ثواني فتحت..

آلماسه: السلام عليكم خاله ام سجاد

ام سجاد: وعليكم السلام اتفضلي

دخلت وجابت الضيافه ابتسمت مجامله
آلماسه: خاله حبيبتي فهميني شنو اسوي وشنو المطلوب لان كلشي ماعرف

ام سجاد: بس ليش انتِ مو احد اكبر منج

نزلت عيني
آلماسه: ماعندي احد بس امي ومريضه

ام سجاد: حبيبتي مابيها غير العافيه

آلماسه: الله يعافيج، هسه شنو نسوي وشنو المطلوب

ام سجاد: حبيبتي لازم انقلج ملكية البيت بالمحكمه ونتفق على المبلغ وتسليمه كدام شهود

آلماسه:  شهود شنو؟

ام سجاد:  كتلج جيبي احد اكبر منج امي انتِ ماتعرفين بـ هل امور

خنكتني العبره
آلماسه: يومين واجيج البيت النا خاله لا تبيعي لأحد حبابه

ام سجاد: براحتج حبيبتي، هلا بيج شوكت ماتجين

عفتها وطلعت مختنكه صفيت لا ابو لا اخو لا احد اختي فضلت تبعد عني اني بنيه و وحدي بيا دستور هاي منو البي غيره ومايقبل مسحت دموعي من شفت نفس الولد متقدم ناحيتي..