في وسط الظلام

البارت لـ 16

بسم الله الرحمن الرحيم..

جوهراتي لاتنسون التصويت والتعليق الحلو..

قراءه مُمتعه..

**************

أردك للصفر ما اردك وياي
وأراويك اليثگل وجه مرَة
يجوز تعذره كلمن يغلط وياك
بس أنا اليغلط وياي أخسره!

**************
ــــــــــــــــــــــــــــــــــــــــــــــــــــــــــــــ
"آلماسه"...

شفت رسالته واتجاهلتها مايهمني حاليًا غير امي و راحتها راحو ملاذ واهلها بقيت ارتب الناقص
انتظر وصول ايمن و حبيبة گلبي صفنت شويه اكيد يجوون تعبانين و جوعانين..

طبيت المطبخ و اتذكرت ماعدنه شي غميت نفسي على ذكائي المبهر وطلعت اتمشى لـ سوبرماركت بس افتر لا اعرف اطبخ ولا اعرف شنو ياكلون لو سامعه كلام امي وماعلمه طبخ مو احسن؟

اخذت عصائر وكيك وطلعت شفت مطعم بعده مفتوح دخلت اشوف شيقدم اگل اكو منيو صاير بـ باب المطعم بداية الدخول صرت اقره اگلات بحريه وامي وايمن مايحبون هيج اگل راحت عيني على الاسماك اي جيد لكيت شي ينوكل..

رحت على واحد من الولد وكتله اريد سمك انطيته العنوان يوصلو الي وطلعت اخذت چاي وهيل ومي يعني ادبر نفسي بهل ليله رحت اخذت ثلج هم ورجعت لـ بيتناا..

طبيت المطبخ وصرت اسوي المي بـ الهيل مثل ماتحبه امي وحضرت الچاي هم وكعدت انتظر ثواني واندك الباب بـ همجيه هاي شنو مو اكو جرس لو ميشوفون؟  اتوقعت المندوب لان ايمن مستحيل هيج يدك الباب..

طلعت افتح الباب وانصعقدت من شفته..
آلماسه: حسينن!!!!

دفعني بـ قوه ودخل
حسين: يااا بت الكـ.... تلعبين من ورى ظهرناا

آلماسه: هيوووو احترم نفسك ولا تفشر على امي لا اشك حلكك

لزكني بـ الحايط يجر بـ شعري
حسين: صايرات شريفات بـ راسنه موو منتظراتتت ابويي يموتتت وتلعبننن براحتجنن

آلماسه: هد شعري يا گلب اذيتني

حسين: والله اشرب من دمججج بتت السا....

دفرته بـ بطنه من غلط
آلماسه: احترممم نفسككك اخرر مرههه احجيهااا

بسرعه اندفع بس رجعلي من اتقرب جمدت..
آلماسه: حسين شاارب!!!!!!!

ولا عبالك احجي ساعه يضربني راشدي ساعه يغلط يفشر ضربني صارت الضربه بـ صدري ابتعدت متألمه راد يجرني انشك قميصي من فوك اتحول شيطان يباوعلي وكأن نسى اني اخته نظراته كلها حقيره..

جريت القميص استر نفسي ابتسم بـ خبث ورجع هجم عليّ بـ حقاره كاتم صوتي حتى ما اصيح
اول مره تنزل دموعي كدام شخص غير ايهاب ينهش بـ جسمي ادفعه عني مااكدر ذاب ثگله عليّ شال مزهريه ركعني على راسي بيها دخت وصارت حركتي قليله قريت السلام على نفسي خلص اخويه راح ينتهك شرفي..