Chapter 14
June 13, 2024
💮Chapter 14
ပြင်ဆင်သည်ဟု ဆိုသော်လည်း ဝမ်ချီ၌ ပြင်ဆင်ရန် များများစားစား မရှိချေ။
မူလကိုယ်က လူဆင်းရဲတစ်ဦးသာ ဖြစ်ပြီး အရှေ့နန်းတော်သို့ ဝင်ရောက်စဉ်က ပစ္စည်းအမြောက်အများ ယူမလာခဲ့ရာ အရှေ့နန်းတော်မှ ထွက်ခွာချိန်တွင်လည်း ပစ္စည်းများများ ယူစရာမရှိချေ။
နောက်တစ်နေ့ မနက်စောစောတွင် ဝမ်ချီ နိုးလာ၏။
ယောထောင်က သူ့အတွက် ပစ္စည်းအချို့ကို ထုပ်ပိုးပေးခဲ့သည်။ ထိုပစ္စည်းများအနက် အတုံးသေးသေးလေးများ လှီးထားသည့် ကိတ်မုန့်လည်း အပါအဝင်ပင်။ ကိတ်မုန့်ပေါ်ရှိ ခရင်မ်လွှာများမှာ မသေမသပ် ဖြစ်နေသေးသော်ငြား သရက်သီးစိတ်ကလေးများဖြင့် အလှဆင်ထားသည့် အလျောက် မြင်တွေ့နေကျမဟုတ်သော ခံစားချက်ကို ပေးစွမ်းနေ၏။
ယောထောင်နှင့် ယောဖန်းတို့က ဝမ်ချီအား တစ်ယောက်ထဲလွှတ်ရန် တွန့်ဆုတ်နေကြသည်။
ဖင်အန်းကမူ မိန်းကလေးနှစ်ဦးကဲ့သို့ တွတ်ထိုးခြင်းမပြုဘဲ သူ့အနောက်မှသာ နှုတ်ဆိတ်၍ လိုက်ပါလာ၏။
အတိတ်က ဝမ်ချီမှာ ဖင်အန်း၊ ယောထောင်တို့နှင့် ပတ်သတ်၍ တစ်စုံတစ်ခု မှားယွင်းနေသည်ဟု မတွေးမိခဲ့ပေ။ ယခုအခါ၌မူ ဖင်အန်းက ယောထောင်အား ရှက်နေသည်ဟု သူခံစားမိလာ၏။ ယောထောင် စကားပြောလိုက်သည်နှင့် သူက တိတ်ဆိတ်သွားတတ်သည်။ ယောထောင်က ဝမ်ချီ့အနား၌ ရှိနေလျှင် သူ အဝေးသို့ ရှောင်ထွက်သွားတတ်သည်။
အခြားတစ်ဖက်တွင်မူ ယောထောင်က မိန်းကလေးငယ်တစ်ဦးကဲ့သို့ တွတ်ထိုးတတ်ကာ မည်သည့် ပြစ်ချက်မှ ရှာမရခဲ့ပေ။ သူမ၏ မျက်ဝန်းကြီးများက ညကောင်းကင်ထက်ရှိ ကြယ်များအသွင် ဆောင်နေပြီး ဝမ်ချီအား မမှားနိုင်သော စိတ်အားထက်သန်မှုတို့ဖြင့် ကြည့်ရှုလေ့ရှိ၏။
အပေါ်ယံအားဖြင့် ယောထောင်က ချစ်စဖွယ် မိန်းကလေး ဖြစ်ကြောင်း ဝမ်ချီ ဝန်ခံရပေလိမ့်မည်။
ဖင်အန်း၏ အစိုးရိမ်လွန်မှုကြောင့်ထင်သည်။ ယောထောင်နှင့် ယောဖန်းသည်လည်း သတိထားကာ ဖင်အန်းနှင့် ဝေးဝေးနေလေ့ ရှိကြ၏။
YOU ARE READING
အာဏာရှင်၏ကိုယ်လုပ်တော်အဖြစ်
Historical FictionTITLE- Transmigrated to become the Tyrant's Male Concubine သက်ဦးဆံပိုင် အာဏာရှင်၏ ကိုယ်လုပ်တော်အဖြစ် ကူးပြောင်းခြင်း (ဝမ်ချီ) Description 💥 သူနိုးလာသည့်အခါ ဝမ်ချီသည် ဝတ္ထုတစ်ခုထဲသို့ ကူးပြောင်းလာခဲ့ကြောင်း တွေ့ရှိလိုက်ရသည်။ ထိုဝတ္ထု၏ အဓိကဇာတ်ဆော...
