Chapter 16
June 13, 2024
💮Chapter 16
ဝမ်လျန်က ဝမ်ချီ၏ အခေါ်အဝေါ်ကြောင့် သိသိသာသာ ထိတ်လန့်သွားသည်။ သူက ခဏတိတ်သွားကာ အားတင်းပြုံးလိုက်၏။
“အဆင်ပြေရဲ့လား …”
ဝမ်ချီက တည်ငြိမ်စွာ ပြောလိုက်သည်။
“ဒီလိုပါပဲ …”
ဝမ်လျန် “….”
ဝမ်ချီက ထိုစကားများကို ပြတ်ပြတ်ပြောလိုက်ခြင်းကြောင့်ထင်သည် ဝမ်လျန်က စကားဆက်ရန် လမ်းရှာမရ ဖြစ်သွားသည်။
သို့သော် ဝမ်ချီက စိတ်အခြေအနေ မကောင်းနေရာ ထိုနေရာ၌သာ ရပ်တန့်ရန် စိတ်မကူးထားချေ။ မည်သို့ပင်ဖြစ်စေ၊ ဝမ်လျန်ကို မြင်ရတိုင်း သူ ထိုသူအား အပြစ်တင်မိသည်။ ဝမ်လျန်နှင့် ချို့ယွင်းနေသော စနစ်ကြောင့်သာ မဟုတ်လျှင် သူက အရှေ့နန်းတော်အတွင်း၌ ရေခဲပါးပါးပေါ် ဖြတ်လျှောက်ရသကဲ့သို့သော နေ့ရက်များအား ဖြတ်သန်းနေရမည်မဟုတ်ပေ။
ဝမ်ချီက ထိုအရာမှာ ဇာတ်ကြောင်းအရဖြစ်ကြောင်း သိသော်ငြား စိတ်ပျက်နေမိဆဲပင်။
သူက ဝမ်လျန်ကို မတွေ့ရလျှင် အဆင်ပြေသော်လည်း ဝမ်လျန်အား မျက်စိရှေ့၌ တွေ့ရလျှင်မူ ထိုသူ့ကို ရိုက်ပစ်ချင်မိသည်။
“ဝမ်လျန် … အရှင့်သားရဲ့ စိတ်အခြေအနေအကြောင်း မင်းသိသားပဲ … အရှင့်သားကို ခစားရတာ အဆင်ပြေမပြေ မင်း ခန့်မှန်းမိမှာပါ …”
ဝမ်လျန်၏ မျက်နှာတစ်ခုလုံး ဖြူလျော်သွားသည်။ သူ့မျက်ဝန်းမှ ကြည်လင်သော မျက်ရည်များ စီးကျလာ၏။ သူက သူ့ကိုယ်သူ မငိုမိအောင် ထိန်းရင်း ခပ်တိုးတိုး ပြောလာသည်။
“တောင်းပန်ပါတယ် … ညီလေး … အားလုံးက ကိုယ့်ညီကိုတောင် မကာကွယ်နိုင်တဲ့ ဒီအစ်ကိုရဲ့ အမှားတွေပါ … အစ်ကိုက အရမ်းစွမ်းအားမဲ့လွန်းတယ် …”
ဝမ်ချီက ထိုစကားများကို ငြီးငွေ့နေပြီဖြစ်သည်။ သူက ပြန်ပက်လိုက်၏။
“ဘာပဲဖြစ်ဖြစ် အရှင့်သားကို ခစားရတာက အရှေ့နန်းတော်က လူတွေကို သတိထားရတာလောက် အရေးမကြီးပါဘူး … အထူးသဖြင့် အရှင့်သားက ကျွန်တော်ဘယ်သူဆိုတာ အခုထိ မသိသေးဘူးလေ … ဒီအကြောင်းသာ ပေါ်သွားခဲ့ရင် ကျွန်တော် ဝမ်ချီတင်မဟုတ်ဘူး ဝမ်မိသားစုတစ်ခုလုံး ပါဝင်လာကြမှာပဲ …”
YOU ARE READING
အာဏာရှင်၏ကိုယ်လုပ်တော်အဖြစ်
Historical FictionTITLE- Transmigrated to become the Tyrant's Male Concubine သက်ဦးဆံပိုင် အာဏာရှင်၏ ကိုယ်လုပ်တော်အဖြစ် ကူးပြောင်းခြင်း (ဝမ်ချီ) Description 💥 သူနိုးလာသည့်အခါ ဝမ်ချီသည် ဝတ္ထုတစ်ခုထဲသို့ ကူးပြောင်းလာခဲ့ကြောင်း တွေ့ရှိလိုက်ရသည်။ ထိုဝတ္ထု၏ အဓိကဇာတ်ဆော...
