_ انا جاى اطلب ايد بنتكم
_ طيب ى ابنى واحنا موافقين
_ خلاص بقى يبقى نقرا الفاتحه
وارتفعت اصوات الزغاريط ف كل مكان... بالداخل بغرفه صغيره ف منزل كبير تبكي فتاه بعمر ٢٤ عام دخلت عليها الغرفه جدتها.
_ مالِك يبت ف اى؟
_ يعني انتم مش عارفين ف اى؟
_ انتِ مكبره الموضوع كدا ليه... فيه اى يعنى ما الراجل اللى قاعد برا جميل و مطلعتش من بقه العيبه وبعدين ف الاول وف الاخر دا جارنا واحنا عارفينه وهوه عارفنا اماال جدك وافق عليه ليه
_ يعنى جدي مش وافق عشان الراجل اللى برا دا عنده شقه و متجهزه بكل حاجه و جدى مش هيتكلف حاجه اما انا ف البس واحد متجوز قبل كدا ومطلق وعنده ٣٥ سنه.
_ هوه مدام جدك وافق يبقى انتِ كمان وافقتى
Flash back
_ بقولك ى عم اسامه انا كنت عايز افتح معاك موضوع بس مش عارف اجيبوا لحضرتك ازاى
_ بص ى ابنى استنى بس اخلص الشغل اللى ورايا ونقعد ع القهوه بليل ماشى
_ماشى ى عم اسامه هستناك
ف الميعاد يجلس عم اسامه بجواره شريف
_ى عم اسامه دا رابع دور شطرنج نلعبه وانا قفلت ولسه مش قلتلك اللى انا جااى عشانه
_ يبنى هوه ف احلى من الشطرنج تسيب هم و وجع دماغ البيت و تجي تقعد هناا.. الهم الوحيد اللى بتشيله هنا هو مين اللى هيخسر ويدفع تمن كوبيات الشاى اللى شربناها
_ اى دا يعنى انت هتدفعنى تمن كوبيات الشاى اللى شربناهم
_ ايوا طبعا ى شريف مش كسبتك ف الاربع ادوار
_ بس احنا شربنا شاى كتير اوى
_ايوا ى ابنى بقلك هات اتنين شااى... ايوا يبنى كنت بتقول اى
_مبقلش ى عم اسامه... المهم بقى انا كنت عايز اطلب ايد بنتك
_ انه واحده ى شريف
_ساميه ى عمي
_ اى دا يولا انت تعرف اسمها منين
_منا سئلت امى... ف هيه قالتلى
_ دا انت جاى مذاكر بقى
_ اتفضل الشاى
_تفتكر ى شريف مين اللى هيحاسب ع الكوبايتن دول
_مش انا ى عمي كفايه دول
_طيب بص ى ابنى انا مش هرد عليك دلوقتى غير لما اقول لامها الاول ماشى
_طيب متنساش ى عمى طيب ابقى رد عليا يوم السبت ف الشغل
_لما ابقى اشوف كدا... وبعدين انت رايح فين تعالى انت قايم مش لما تحاسب الاول.. ى ابراهيم خد حاسبه قبل م يمشى
_ انت كنت بتتكلم بجد ى عمى ولا اى
_ اماال انا ههزر معاك ولا اى
وصل الاب الى البيت و جلس يتحدث مع زوجته عن صديقه شريف
_بقولك ى بدريه عارفه الواد ابن ام خالد
_انه واحد مهمه كتير بسم الله مشاء الله
_الواد شريف كنت قاعد معاه ع القهوه و طلب ايد بنتك
_انه واحده برضوا مهمه كتير
_انتِ نايمه ولا اى... وبعدين رايحه تقولى بسم الله مشاء الله على ولاد ام خالد خايفه نحسدهم و بناتك كتتير من غير متقولى بسم الله مشاء الله اى دا
_بقولك اى ى راجل بص انا مش ليه دعوا لو كلت متأخر انت اللى مأخرنى اهوو
_انا بردوا... طيب ممكن نرجع تانى ولا هنقضيها خناق... انا قلت للواد نقعد شويه كمان ع القهوه بدل وجع الدمااغ دا
_انا وجع دماغ ماشى كمل بقى عشان م اقومش
_بنتك ساميه
_ بجد والله... طب الف مبروووك
_هوه اى اللى الف مبرووك هوه انا لسه قلت له اه... انا جاى اخد رأيك ورأى ساميه وبعد كدا نبقى نوافق
_ماشى ى اسامه لو على رأى انا ف انا مواففه
_طيب اسألى البنت طيب... وبعد كدا ابقى قوليلى انا لسه هرد عليه السبت
_ماشى
أنت تقرأ
دايره مغلقه
General Fiction_ف ذلك العالم الفسيح سوف تجد اناس لا يراعون مشاعر احد ... _مثلما حدث مع بطله قصتنا... فقد وجدت كل من حولها يعاملها بحده و قسوه و جفاف ولا يراعى احد مشاعرها و قد حُطمت طفولتها بسبب أولئك الاشخاص. _و اصبر قليلاً فبعد العسر تيسير وكل أمر له وقت وتدبير.
