ابناء الحسوم "شمسون"

Part 20

#ابناء_الحسوم "شمسون"

بقلمي: زهراء السلامي ❤︎

لطفاً لتنسون التصويت + التعليق بين الفقرات + متابعة لحسابي 😍.

يتظاهر بأنه لا يهتم وهو يقف بعيداً وعيناهُ تلتهم تفاصيلها.. 🔥

━━━━━━  ━━━━━━

بعد جملة شُهيب الوحشية العنيفة الكل انچب وبعد ما حچى حچاية وحدة حتى الشيخ ظل صافن ومسرة تباوع لأبوها بس ما چانت نظراتها مرعوبة چانت نظرات ممفهومة، جرت ايد شُهيب من ياخة مروان ولزمتها بين ايديها تحاوطها..

باوعلها مستغرب ما توقع حركتها اصلاً شلون جازفت بروحها وجرت ايده وهو بهالحال ووره جملته هاي توقعتها هسة تفسخ الخطوبة..

-مسرة: يله خلينا نطلع شُهيب

لحظة صمت.. هي تباوعله بعيون بريئة وابوها مبتسم تك خد والباقين متصفصفين وشُهيب ماعرف شلون افسر وضعه بس عگدت حاجبه تفسر تفاجأه بيها..

-صبا: ههه اي حبي روحوا گلبي انتو عرسان جدد لتخربون فرحتكم يروحي انتو

-فادي: صحيح يله شُهيب اخذ عروستك واعزمها على غدة لو ناوي ترجعها للبيت جوعانة؟

-مسرة: يجوز شهوبي اوبي اوبي ميريد يغديني وراح نتزاعل من اول يوم

-ماريا: اي اي الله شگد حلووو روحو اكلو وتونسوو وجيبلي غدة وياك ماماتي شهوبي

بلع ريگ ومسح العرق المتجمع على جبينه، هز راسه بـ اي واندار يباوعلي نزلت عيوني خجلانة من الموقف البشع الحطيتهم بي بينما مسرة فاجأتنا للمرة العاشرة لليوم وهي تگول وابتسامة حلوة مرسومة على وجهها..

-مسرة: مچنت اعرف فاهد خاطبچ كيان

-كيان: هاا..؟

-شُهيب: خطبة شنو

-مسرة: خطبتها هي وفاهد هسة شبيك

-مروان: ماااااكو خطبببببة ماااكووو

-مسرة: ليش تعيط بوجهي

حچتها وملامحها جامدة هدأ مروان من نفسه وتمتم بكلمات اعتذار واردف..

-موضوع فاهد منتهي كيان ما راح تتزوج هذا الزبالة وكلنا متفقين على هالشي