𝑇ℎ𝑒 𝑊𝑖𝑛𝑔𝑠 𝑂𝑓 𝐽𝑢𝑠𝑡𝑖𝑐ꨄ︎

ᴘ.ᴇɪɢʜᴛ𓂃⊹ ִֶָ

⋆༺𓆩𝑇𝐻𝐸 𝑊𝑖𝑁𝐺𝑆 𝑂𝐹 𝐽𝑈𝑆𝑇ʏ𝐼𝐶𓆪༻⋆

.

𓂃⊹ ִֶָᵈᵒⁿᵗ ᶠᵒʳᵍᵉᵗ ᵛᵒᵗᵉ
ᵃⁿᵈ ᶜᵒᵐᵐᵉⁿᵗˢ𓂃⊹ ˊ˗

˗ˏˋ ʚ 𝑒𝑛𝑗𝑜𝑦 𝑟𝑒𝑎𝑑𝑖𝑛𝑔ɞ ˎˊ˗

.

. • °⛓✧༺ ༻*ੈ✩‧₊˚⛓

بەیانی زوو بوو، کاتێک خۆر تیشکەکانی بڵاو کردبوویەوە بۆ سەر خاکی ئۆڕۆڕاڤاڵ، دووبارە بەڵێنێکی بە دەنگی جریوەی چۆلەکەکان ناردەوە بۆ خاکەکە و بڵێنیان دووبارە دوپات کردەوە کە هەرگیز هەردووکیان  نەوەستن، یەکێکیان لە جەنگان لەگەڵ ڕۆڵەکانی بۆ ژیانێکی باشتر یەکێکیان بۆ نەوەستان لە ڕووناکی دوای هەر تاریکیەی تەنگ.

دەنگی گالیسکە و عەرەبانەکانی جوتیاران کە بەسەر  خاکەکەیا دەڕۆیشتن، ئاوازێکی پەرژ دەکرد لەگەڵ شنەباکەیا، کە سەمای دەکرد لەگەڵ ئەو گوڵـانەی کە پشکوت بوون و پەڕەکانیان بەهۆی پێکدادانەوە وەری بوون.

لە کاتێکدا کۆشکێک هەیە کە پێی دەوترێ کۆشکی  مێلانی، کە وەک چرایەکی ڕەنگین و پڕ لە هێز لە دڵی ئاڕۆڕاڤاڵدا وەستاوە.

کۆشکەکە کە بەهۆی تەلـارسازی و   وردەکاریە ئاڵۆزەکانیەوە دەرخەری ئەو بنەماڵە شاهانیەو پڕ لە سامانەبوون کە خۆیان دەنازی بەسەر فەرەشە سوورەکاندا.

کاتێک دەگەیت بە دەروازەی دەرگاکە تا چاو سنوور دەکات لەو باخچە گەورەیەی خاتوو میڕێڵ دەڕوانیت کە  بەهۆی جوانی و سەوزایەتیەوە هەموو ئەوەی کە بیری لێ دەیکەیتەوە جوانی ئەو شوێنەیە، نافورە گەورەکە کە لە ناوەڕاستــی باخچەکەدا بە دیکۆر و هونەریــە شارەزاکەی خۆی دەنواند بەسەر باخچەکەدا، لە کاتێکدا ئاوە سارد و پڕ لە پەڕەی  گوڵەکان بەرز دەبیوەوە و لە کۆتایدا لەو پەیکەرە هونەریــە دەڕژیاوە نێــو خۆیــەوە وەک ئەوەی بێ یەکتری هەرگیز ناتوانــن بەردەوام بن.

لە ژوورەوەدا، لەو هۆڵـەی کە بۆ چەندان پێ دەبێ بڕۆیت  تا دەگەیت بە دەرگاکەی خوانێکی ڕازاوە و پڕ لە بەلەزەت درووستکرابوو، ئەمەش بەهـۆی ئـەوەی کـە دوێنێ شـەو بەڕێز مـێلـانی توانی دوای ماوەیەکی زۆر
لە گەشتەکەیدا بگەڕێتەوە بۆ دڵی خاکەکەی و شەوێکی هێمن و پڕ لە چێژبەخش دووبارە بەسەر ببات.

هەموویــان لەسەر خوانەکەدا بوون، خوانێــک کە گەر  کەسێک بیبینیایە پێشبینی دەکرد بۆ بیست کەس بێت بەڵــام لە ڕاستیدا تەنیــا سێکەس لەسەر ئەم خوانەبوون!