🌍BANI DA MADOGARA🌍

Chapter 6

*_The Amazing Pen_ ✍️..........*

   *🌍BANI DA MADOGARA🌍*
            (Sai Allah.......)

*Narrnarhh Bukar*
( *The Amazing Pen ✍️* )

*TASKIRA WRITER'S FORUM*
              ( *T.W.F* )

*Domin ci gaba da karanta ƙayataccen littafina sai kuyi following ɗina a ɗaya daga cikin wa'innan links ɗin, da littafina na farko mai suna NACINA YA JAWO MIN, Ina maraba lale marhabin da zuwanku,taku har kullum NARRNARHH BUKAR mai alƙalamin ban mamaki wato THE AMAZING PEN✍️*

*FOLLOW MY WHATSAPP CHANNEL*
https://whatsapp.com/channel/0029VaRTjCw8vd1HiLjaNK2y

*FOLLOW ME ON WATTPAD*
https://www.wattpad.com/user/AISHAABUBAKAR812?utm_source=android&utm_medium=link&utm_campaign=invitefriends

*FOLLOW ME ON AREWABOOK*
https://arewabooks.com/book?=6615ba31404e6e2687888ab9

*FOLLOW MY TELEGRAM CHANNEL*
https://t.me/+439Pdx2UbLZlOTNk

*FOLLOW ME ON FACEBOOK*
https://www.facebook.com/groups/1753362068489237/?ref=share_group_link

*BOOK* 1⃣
*chapter 06*

Bayan sun sauka Hannatu ta sallami masu mashina ita Murja daman ƴar rakiya ce, haka suka taka har gidan bokan, akwai layi amma ba mai tsayi ba sai suka bi layi har ya iso kansu sannan suka shiga ɗakin, ai da wani irin sauri Hannatu da Murja suka ja da baya, zuciyar kowa ta tsinke.

Ganin bokon da kayan mata fuskarsa har da hoda  da jan baki, ga gashin doki ya saka a kansa,abinda yafi ɗaure musu kai shi ne shatin brazier da suka gani,ga nonuwa sun bayyana a cikin ɗinkin rigar na breast cut, sosai mamaki ya cika su har suka kasa ƙarasowa cikin ɗakin.(Allah yasa ba lemu ya saka a cikin brazier ba🤭🤭🤭)

Cikin murya ƴan daudu ya ce dasu

"A'ahhh yau naga tsigi-tsila kun wani tsaya cirko-cirko daku kuna kallemin jiki sai ka ce kwartaye kun ga ƴar duma-duma mai cikar halitta son kowa ƙin wanda ya rasa mtwsss!"

Yana maganar yana rangwaɗa kamar wata mace macan ma riƙakƙiyar karuwa, har da lanƙwasa hannu da kashe ido yake. Su Hannatu jiki ba ƙarfi haka suka shigo cikin ɗakin tare da samun wuri suka zauna don bakinsa ya daɗe da rufewa,basu da abin faɗa sai dai kallo don wannan al'amari ya girme ma tunaninsu.Bayan sun zauna ya ce

"Sannunku dangin ƴan gulma, ai na ji komai ɗazu"

Saurin kallon junansu suka yi suna mamaki

"Au mamaki kuke yi hhhh ai aljana Yalisa ta sanarmin komai don tana kusa daku a lokacin da kuke hirar "

Nan fa hankalinsu ya tashi, kenan akwai aljana kusa dasu ɗazu suketa ɓarin zance wayyo sun shiga uku, da sauri kamar mai shirin kuka Hannatu ta ce

"A yi mana afuwa Boka mai Zamani,suɓutar baki ne,mun tuba"

Cilla mata harara ya yi har da murguɗa mata baki,cikin muryarsa ta ƴan daudu ya ce

"Meke Tafe daku"

Zama Hannatu ta gyara sannan ta sanar masa abinda ke tafe dasu, madadin ta ga ya ce wani abu sai kawai  ya tuntsire da dariya, yana ƙara gyara zaman gashin dokinsa saboda rufe mishi fuska yake. Ya daɗe yana dariya sai can ya tsagaita yana kallonsu, fuskarsa a ɗaure ya fara magana cikin muryarsa ta asali na matsafa

"Wannan aikin mai sauƙi ne sai dai ba a takamin doka a zauna lafiya, idan na sharɗanta ma mutum abu ya kuskura ya taka dokata, to aikin zai dawo garesa babu shamaki, Abi doka a zauna lafiya"