- هو انتى لسه زعلانة منى؟
رفعت عينيها له من على الكتاب الذى فى يدها متعجبه من نبرته المستاءة قائلة بهدوء:
- يهمك يعنى؟
نهض "سعد" وجلس بجوارها على الأريكة الكبيرة بعد كان يجلس مقابلها هاتفا بصدق استشفته من نبرته:
- اكيد طبعا يهمنى انتى اختى الوحيدة يا "عفراء"واكيد مهمه عندى.
تعجبت "عفراء" بسبب عدم حزنها لاول مره بوصفه لها أنه شقيقته شعرت بشعور غريب بالرضى وكأنه رضت وصفة بغرابة بل شعرت بالسعادة فقط لأنه يهمه حزنه منه، ابتسمت بصدق وهى تطمأنه:
- اكيد احنا اخوات وطول عمرنا بنتشاكل وبنصالح.
ثم ختمت حديثها بغرور مصطنع:
- واكيد أنا قلبى مش اسود وبتصالح بسرعة.
- اه ده على اساس أنى مبقاليش اسبوعين بحاول اصالحك ولا حاجه وانتى قابلة وشك فى وشى!
رمقته بنظره مغتاظه لكنه هتف بجدية وبنبره هامسه حتى لا تسمعهم والدته التى لا تفارق المنزل طوال تواجدهم معا:
- أنا عاوز اكلم معاكى بجد، أنا والله ندمت وفكرت فى كلامك وانا هحاول والله ابطل اشرب سجاير، يعنى تخيلى أن كلامك وجعنى اكتر من اهلنا لان انتى عارفه طريقه معاقبتهم ليا كانت ازى على قدامك، ابويا كان بيضربنى وابوكى كان بيزعقلى وامى كانت بتفتش فى اوضتى وبتفتشنى شخصيا كل اللى كانو بيعملوا ده كان بيخلينى اعند معاهم.
- يمكن اه طريقتهم كانت غلط بسبب خوفهم عليك، وانا مليش دعوه بابوك وامك هما مهما عملوا هيتوصفو دايما بأنهم اهلك لكن بابا هيقولو أنه مفترى عشان جوز امك حتى لو كان تصرفه نابع من خوفه عليك بس.........
قاطعها بسرعة بعد أن أدرك انها اسأت فهمه:
- لا مش قصدى، انتى فهمتى غلط.
ابتسمت له بهدوء وهى تطمأنه:
- لا متخفش أنا فاهمه قصدك خلينى اكمل كلامى، أنا بحاول ابررلك تصرف بابا، أنا عارفه انك بتحبه وبتعتبره زى ابوك وبغض النظر عن أنى أنا وطنط "عبير" بنشاكل دايما بسبب حاجات تافهه لا تُذكر إلا أنها مش وحشه زى مرتات الاب التانين ولما بشوف مشاكل "دُنا" مع امها اللى يمكن اكتر من مشاكلى مع طنط "عبير" وبقول أن حتى الام وبنتها الحقيقين مش بيشاكلو وده طبيعى فمبربطش بين مشاكلى معها وبين أنها مرات ابويا فاهمنى.
- فاهم طبعا بس ايه يا بت يا "عفراء" العقل ده كله.
- انت بردو دخلتنى فى سكه تانيه مش ده اللى كنت هقوله، بابا عنده اقتناع بحاجه يا "سعد" وهى أن اللى بيشرب سجاير ممكن يشرب اى حاجه فى الدنيا مش لازم يعنى مش قاعده بس بيبقا الموضوع اسهل من الشخص اللى مبيشربش سجاير فاهم؟......اللى كنت هقوله بقا أن بابا الصفة الوحيدة اللى بشوفها وحشه فيه أنه بيعمل سيناريوهات فى دماغه يعنى اكيد لما عرف انك بتشرب سجاير جه فى دماغه بقا أن كمان شوية هتشرب حشيش وبرشام وكمان شوية تانين هتقلب ديلر وكمان شوية كمان هتتحبس ومستقبلك هيضيع، أنا بكلمك من منطلق انى عرفاه كويس هو من خوفه عليك....لا خوفه ايه هو من رعبه عليك اقصد زعق وعمل اللى عمله، طبيعى مهما كان انسان مسالم لو الموضوع يخص عياله هيقلب واعتقد نفس الموضوع ينطبق على باباك ومامتك.
