مريم قاعدة ف أوضتها وبتبحث عن اكونت أدهم ع الانستا لحد ما وصلتله ودخلته وبدأت تقلب فيه .. جالها مسدج منه ...
أدهم : مش عيب لما تدخلى تتجسسى عليا وتفتشى الاكونت بتاعى كدا من غير استئذان!
مريم اتصدمت ودخلت ردت عليه : مش بفتش ف حاجة علفكرة .. وأنا هدور ع الاكونت بتاعك ليه يعنى!
أدهم : امم .. ماشى هعمل نفسى مصدقك
مريم : طب امشى بقى هروح آكل
أدهم : أكلينى معاكى🥺
مريم سكتت وفضلت تفكر شوية .. هو بقاله سنين طويلة عايش كدا مبياكلش حتى من ايد أمه .. صعب عليها حتى لو بيهزر بس هى مبتهزرش وخلاص خدت القرار .. خرجت لأمها وخدت منها أكل وقالتلهم هتخرج تاكل برا ف أى حديقة عامة .. خرجت وبعتت لأدهم مسدج بالمكان اللى هى فيه ...
مريم : أنا ف *****
أدهم : بتعملى ايه هناك!
مريم : مستنياك ومعايا الأكل يلا تعال
أدهم : انتى بتهزرى!🙂
مريم صورت نفسها بالشنطة ف ايديها فيها اللانش بوكس وبعتتله الصورة : والله اهو🙂
أدهم ابتسم ورد عليها : ماشى ياسكر جايلك
مريم ابتسمت وقعدت تستناه لحد ما جه وقف قدامها بالعربية ونزل ...
مريم : كل دا؟!🙂
أدهم ابتسم : معليش غصب عنى .. تعالى
فتحلها باب العربية اللى ورا ركبت وهو لف النحية التانية ركب جمبها ومريم خرجت الأكل ...
مريم : حظك بقى ماما عاملة شوية محشى عسل
أدهم : ااه قلبى لا يتحمل كل هذا .. آخر مرة كلته وأنا عندى ٥ سنين😹
مريم بصتله بحزن🥹
أدهم حطلها واحدة ف بوئها : مبحبش أنا النظرات دى وجو الصعبنيات دا
مريم ضحكت وقعدوا ياكلوا سوا وخلصوا
أدهم : الحمد لله .. متحرمش منك ياميرو
مريم : بألف هنا .. همشى بقى عشان متأخرش
أدهم : خليكى هوصلك
نزل ركب مكانه قدام ومشى وصلها قريب من بيتها .. شكرته ونزلت .. طلعت خبطت وأمها فتحتلها ...
زينة : 😳فين اللانش بوكس؟!
مريم بصدمة : 😳هاا؟!
زينة : هااا ايه اللانش بوكس فين ياباااه!
مريم : 😳نسيته
زينة : نسيتيه فيييين!
مريم : ف الجنينة .. وبعدين انتى مكبرة الحوار ليه يازينة الاااه .. هييجى لوحده دلوقتى .. يعنى ممكن مثلاً تفتحى الباب كدهو تلاقيه ق .. اعااااااااااااااااااااااااااا😳
قطعت كلامها وصرخت لما فتحت الباب ولقته قدام الباب فعلاً😹وطت خدته وادتهولها ...
مريم : اتفضلى اهو جالك اهو
زينة : دا اللى هو ازاى بقى!
مريم : سبحانه قادر على كل شئ
زينة : لا والله!🤨
مريم : اه والله😳تصبحى على خير
دخلت أوضتها جرى وزينة واقفة مكانها بتبصلها بشك ...
كدا البارت خلص♥️رأيكوا؟؟!!!....
أنت تقرأ
ملاكى الأسود🖤
Actionهو غامض بالنسبة لها .. لا تعرف مَن هو حقاً؟! هى غريبة جداً بالنسبة له .. كيف يمكن لجميلة مثلها أن تكون هكذا؟!
